Ła locusion latina a priori, tradota literalmènte, ła gà el signifegà de da ciò che vien prima, e te ła poi catare pà ła prima olta inte ła łéngua latina inte i comentadori de Aristotele.

El raxonamento a priori el taca da un dato stabiłio e riva, co el metodo dedutivo, ałe estreme concluxion. Eso, donca, xe indipendente dall'esperiensa, dal dato enpirico.

Un exenpio de a priori ło catemo inte ła Critica de ła raxon pura de Kant a propoxito del spasio e del tenpo. Spasio e tenpo, secondo Kant,

  • i xe quadri mentałi a priori, "forme" pure che łe susiste prima de ogni esperiensa, entro cui conetemo i dati fenomenisi, "funsioni", modi de funsionamento de ła nostra mente,
  • i xe trascendentałi, cioè i aquista senso e signifegà soło se riferìi all'esperiensa ma nò i apartien all'esperiensa,
  • e quindi necesari, cioè anca se vołessi nò poodaria farne de manco inte ła conoscensa enpirica,
  • e universałi, cioè apartien a tuti i omani dotài de raxon.

Sti cuà i gà na natura imediata, cioè nò i subise ła mediasion de łe categorie, e nò discorsiva in quanto nò consepemo ło spazio dai vari spasi, ma intuiemo i vari spasi cofà un unico spasio (dimostrasion metafìxica dell'apriorità del spasio e del tenpo).

Come inte el caxo de spasio e tenpo, tanto de frecuente ste conoscense łe xe nesesarie pà ła conoscensa tramide i nostri sensi: sensa i conceti de spasio e tenpo nò podarissimo conossare ła realtà atorno. Ste conoscense łe xe i strumenti che i ne parmete de 'rivare ałe altre certese, che łe xe asunte tramide un prosedimento a posteriori.

Altri a priori kantiani i xe łe categorie inte ła anałitica trascendentałe e łe idee inte ła diałetica trascendentałe.

Inte ła fiłoxofia moderna co Konrad Lorenz, grasie ałe so riserche etołogiche, l'a-priori el xe divegnùo sinonimo de inato inte l'individuo, de categorie mentałi che a-posteriori i deriva fiłoxeneticamente dall'interasion evołutiva de ła specie co l'anbiente: «... calcossa che sta a i elementi de ła realtà extrasogetiva cofà ło xocoło d'un caval sta ała stepa o ła pina d'un pese al'aqua.» [1]. In sostansa el termine "a priori" sta a esprimare calcossa che avien co che scuminsia elprocesso conoscitivo (Kant) overo prima dell'esperiensa.

Varda anca canbia

Note canbia

  1. (K. Lorenz, L'altra facia del specio, Adelphi)


Controło de autoritàBNE (ESXX4982572 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=A_priori&oldid=1088566"