Asterix

Asterix l'è el nome de un personajo dei fumeti inventà dai françexi René Goscinny e Albert Uderzo. El vive in Gallia al tempo dei Romani, che i ga conquistà tuta quanta la Gallia, via de un paeseto de l'Armòrica (nord de la Francia) in do che sta Asterix e i so amizi. Asterix l'è un tipeto picenin, biondo, con un bel par de baffi, e furbo come na volpe. L'è senpre in conpagnia del so grande amigo Obelix, che inveze l'è tuto el contrario de lu: grando e grosso e un pochetin stupido, parò bon come el pan. Insieme i se gode da mati a ndar a caccia de cinghiali, e a darghe ogni tanto na bela man de bianco ai soldati romani che vive nei canpi trincerati tuto intorno al villaggio dei Galli. Infati i Romani ogni tanto i ghe proa a conquistar el villaggio, ma no i ghe riese mai, parché i Galli i ga n'arma segreta: la pozion magica inventà dal drùido Panoramix. Ci la beve el deventa fortissimo, praticamente invulnerabile. Obelix parò l'è za fortissimo de suo, parché da butin a l'è cascà drento la pegnata de la pozion magica e quindi su de lu l'effetto de la pozion l'è permanente.

Asterix e Obelix

Altri progetti

• Wikimedia Commons

• Wikimedia Commons el detien imàjini o altri file so Asterix