Canpo San Maurisio
Canpo San Maurizio xe un canpo de Venesia, inte el sestièr de San Marco, situà a viçin a Canpo Santo Stefano, so ła całe che cołega sto ultimo a Piasa San Marco. El canpo ga un çerto rimàrco sia quanto par le dimension, sia par i edifici che se leva.
.jpg)
Cexa de San Maurisio canbia
|
Par savèrghene de pì, vardarse ła voxe Cexa de San Maurisio (Venesia). |
De antighe orìxeni, ła cexa de San Maurisio xe l'edificio che sera el canpo a nord, co ła so fasàda neoclasica e el canpanièl.
Pałaso Bellavite canbia
|
|
Par savèrghene de pì, vardarse ła voxe Pałaso Bellavite. |
El Pałaso Bellavite xe, co el Pałaso Molin, el lai ovest del canpo. Ghe ga vissùo el poeta venessian Giorgio Baffo e el scritor Alessandro Manzoni.
Pałaso Molin canbia
Risałente al XV secoło come el adiacente Pałaso Bellavite, Pałaso Molin se conpone de do edifici gotici, paromo co na quadrifora ogivałe. Sia el corpo de baxe che ła çima de l' edificio xe fruto di rimanixamenti sucesivi. Inportante el portal, sorastà dal stèma de ła famegia Molin, de gran dimension e in pièra.
A l'interno xe conservà i resti dei antighi stuchi che ne decorava i muri.
Pałaso Zaguri canbia
|
|
Par savèrghene de pì, vardarse ła voxe Pałaso Zaguri. |
Pałaso Zaguri xe l'edificio che sera el canpo a est, dàndoghe el nome al ponte adiacente che cołega l'area de San Maurisio a queła de Santa Maria del Xegio. Gà ciapà el nome de ła famegia Pasqualini che ghe n'à vossùo ła costrusion, inte el Quatrosento. Ła fasàda gotica se costituise de quatro livełi: i piani nobiłi xe caraterixài da do ordeni de pentafore, revòlte verso el conpleso dei pałasi Molin e Bellavite.
Bibliografia canbia
- Guida d'Italia – Venezia. 3a ed. Milano, Touring Editore, 2007. ISBN 978-88-365-4347-2.
Voxe łigàe canbia
Wikimedia Commons el detien imàjini o altri file so Canpo San Maurisio
