Loxia curvirostra

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Crossnobel


Al crossnobel o bechincross (Loxia curvirostra L., 1758) al ze an osel canterin de la fameja dei Fringillidi. Al curvirostra al ze la specie de crocieri pì comuni.

TassoboxLoxia curvirostra Cànbia el vałor in Wikidata

Cànbia el vałor in Wikidata
Dati
Pezo2,95 g (pezo al nasimento) Cànbia el vałor in Wikidata
Invergadura29 cm Cànbia el vałor in Wikidata
Grandesa fiołada3,5 Cànbia el vałor in Wikidata
Stato de conservasion
Eror Lua: callParserFunction: function " [[Categoria" was not found.
Tasonomia
Eror Lua: callParserFunction: function " [[Categoria" was not found.
Spece

Loxia curvirostra
Linnaeus, 1758

Distribusion

Cànbia el vałor in Wikidata
Endèmego de

Aspeti morfologici canbia

Al ga na sagoma che la ghe someja a quela de un seligat, parò co le ale a ponta e la coda a forca. Al color del mastcio adulto, ross maton co ale e coda negre, al gnen ciapà gradualmente a partir dal color del piciol maron strià de scur: i stadi intermedi i ze caraterizadi da la presensa de mace inregolari arancioii o rosa. La mastcia la ze maron-bisa co le ale e la coda maron-negre e la schena giala-verdastra. Al bech al ze inconfondìbiłe parchè al ga la ponta incrosada, e da sto tanto gnen al nome. Durante le prime 2-3 setimane de vita al ze conico. Al crossnobel al cress infin a 15–17 cm de longhesa e al pesa infin a 40 grami.

Distribusion e habitat canbia

Al crossnobel al viu pì che sia te i bosch de conifere, endo pì caro al pes, al laress, al pin, ma anca te i parchi e te i jardin. Al se ferma pì che sia aonde che ghe n'è pì siess de conifere.

Le popolasion nordiche le ga migrasion inregolari e invasive verso la Europa central quando che, dopo na brusca diminusion de le panoce disponibii, le risorse alimentari no le permet pì na alimentasion suficiente par popolasion abondanti; na pìzoła part dei sojeti che i se mete in viado la pol reproduserse te i novi loch dondesti durante la migrasion.

Magnar e alimentasion canbia

La se basa quasi del tut su le siess de le conifere. I pinoli i gnen dondesti a forsa de destacar le squame protetive che le rivestiss le panoce; sta operasion la gnen senplificada da la sagoma del bech, doperà come na pinsa divaricatrice. Al crossnobel al ze fort anca a picarse a testa in do te le panoce e al recorda te i so movimenti i papagai; le panoce pì dure, come quele del pin, le pol gner trasportade te la biforcasion de un ran par esser verte pì vacilmente. La dieta la gnen integrada co serti inseti; no el ze fadiga gnanca veder individui tacadi su i mur de le baite atiradi da sai che trasuda da i interstisi.

Riprodusion e nidificasion canbia

 
Loxia curvirostra

Al pol coar tut al an. I mesi invernai e primaverii comunque i ze i preferidi. Al nit al gnen costruì da la mastcia co piume, fresa, fastuch, ginestra e pei de animai te la part alta dei pes. La mastcia la fa da 3 a 5 ovi bianchi co mace maroi che i gnen coadi da 14 a 16 dì. Al mastcio ten sto periodo al ghe procura al magnar a la mastcia.

Bibliografia canbia

  • BirdLife International 2004. Loxia curvirostra. In: 2008 IUCN Red List of Threatened Species. IUCN 2008.

Altri progeti canbia


Linganbi foresti canbia


Galeria canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Loxia_curvirostra&oldid=1110553"