Ficarra e Picone xe un do comico itałian formà da Salvatore Ficarra (Pałermo, 27 magio 1971) e Valentino Picone (Pałermo, 23 marso 1971) e rexo sełebre dal programa tełevixivo Zelig Circus.

Storia canbia

Inte el 1993 i se incontra in un viłagio turistico a Taormina, indove Picone pasava łe vacanse mentre Ficarra laorava cofà animador. Nase dònca un sodałisio artistico che coinvolge anca Salvatore Borrello e i tre 'taca exibirse in diversi locałi de cabarè siciłiani col nome de Chiamata Urbana Urgente. Inte el 1995 i se exibise in vari teatri in tuta Itałia otegnindo notevołe suceso e xudegandose diversi premi riservà ai cabaretisti. Drìoman i xe in TV in Zero e Zero so Telenorba e in Seven Show, in onda sol sircuito Italia 7.

Restai in do, dopo ła separasion co Borrello, gà mantegnùo quel nome fin quando inte el 1998, i stabiłiise de uxàr i so cognomi: Ficarra e Picone. Senpre in quel ano ła cùbia gà vinto l'edision del festival BravoGrazie. Da quel momento i gà un continuo suceso in xiro pa'i teatri de tuta Itałia: 235 000 biłieti vendùi par Diciamoci la verità, el record de ascolti de łe do seràe Ma chi ce lo doveva dire. Inte el 2000 i otien na parte picenina inte el film de Aldo, Giovanni e Giacomo e Massimo Venier, Chiedimi se sono felice: Picone come dotor ne ła clinica siciłiana dove xe stà recetà Aldo, Ficarra soło tra el publico ne ła sena finàl siga "Pirandello sei un poeta!"

I partesipa a ła seràda edision tełevixiva de Zelig (ciamà Zelig Circus) e da ałora i xe senpre stà prexenti inte el programa. In più i gà partesipà a Gnu so Rai 3 e a L'ottavo nano co i fradèłi Guzzanti e a trasmision so reti locałi. I so personaxi de maxor suceso xe i "Nati stanchi", do xóveni disocupà che calca el stereotipo del siciłian svojà. A questi, inte i ultimi ani, i ghe n'à xontà dei altri i "Fratelli corner", val ga dir la parodia de do xogadori de l'Inter o Nasionałe de calcio itałiana. El vero, grando suceso, xe parò stà queło teatrałe: el primo spetacoło se ciamava In tre sull'arca di Noè, de rimarco xe anca l'ultimo spetacoło: Sono cose che capitano.

Inte el 2002 ne łe sałe sìnematografeghe xe insìo el so film Nati stanchi; inte el 2003 i gà publicà do łibri Stanchi e Vuoti a perdere par la Kovalsky editor; infra el 2006 e'l 2012 i gà prexentà el tełexornałe satirico Striscia la notizia, in onda so Canałe 5, inte el periodo tra marso/avrìl e zugno. I gà partesipà al Festival de Sanremo 2007 conquistando i favori del publico sia par el sketch che i gà interpretà, dedicà a ła memoria de Don Pino Puglisi, vitima de ła mafia. El segondo film de Ficarra e Picone, il 7 e l'8, el 16 marso 2007 xe usìo ne łe sałe itałiane, rivełandose na sorpresa par queło che rivarda i incàsi.

El 13 marso 2021, el do comico xe tornà inte i sìnema itałiani col film La Matassa, xirà a Catania e Paternò, col cuałe i gà bisà - in termini dei incàsi - el suceso de il 7 l'8. Dal 14 xenaro 2011 i torna a Zelig co un sketch che rivarda do avocati "Angelino & Nicolò" e ła so dita "Si fanno leggi su ordinazione s.r.l.". Inte el zugno del 2011 a Torin i gà tacà łe riprexe del so novo film, inte el cuałe i do comici interpreta do guide toristeghe locałi intrigài in diverse exiłaranti storie sentimentałi. Anche se ze amore non si vede[1] xe po' insìo el 23 novenbre 2011 in tute łe sałe sìnematografeghe itałiane.

Teatro canbia

  • Certe notti di notte
  • In tre sull'Arca di Noè
  • Vai avanti tu che io ti perseguito
  • Vuoti a perdere
  • Diciamoci la verità
  • Sono cose che capitano
  • Apriti Cielo
  • Ma chi ce lo doveva dire?

Filmografia canbia

Pubblicità canbia

Curioxità canbia

  • El do comico xe aparìo inte el video muxicałe Sarà Sara dei 2 Così.
  • El do conpare anca inte el nùmaro 2678 del sełebre xornałin Topolino sotto le spoglie di due comici di Paperopoli Caraffa e Cappone.
  • Xe entranbi grandi tifosi del Pałermo.

Note canbia

  1. Ficarra e Picone "Noi, guide turistiche in trasferta a Torino"- LASTAMPA.it (ligo ronpesto dispunìbiłe in Internet Archive; védarse el istòrego, la prima version e ła ùltema).

Altri progeti canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ficarra_e_Picone&oldid=1082746"