Internet Archive

Internet Archive el ze 'na biblioteca dizitałe no profit che ła ga el scopo declarà de permetar un "aseso universal a ła conosensa". El ghe dà un spasio dizital permanente par el aseso a difarenti tipi de risorse: par ezenpio, siti web, audio, video e łibri. Internet Archive el ze sta fondà da Brewster Kahle int'el 1996 e el fa parte de el IIPC (International Internet Preservation Consortium). Oltre a ła so funsion primaria de archiviasion, Internet Archive el ze na organixasion che ła łota par n'a Internet łibera e verta e ła ze anca na asosasion no profit riconosesta ufisalmente inte i Stati Unii de l'America.