Léopold Senghor

Léopold Sédar Senghor (Joal, Senegal, 9 otobre 1906 – Verson, Fransa, 20 disenbre 2001) el xera on poeta, scritore e omo politego senegalexe. Senghor el xe stà el primo presidente del Senegal (1960-1980). El xe stà anca el primo africano ameso a l’Acedemia de Fransa.

Léopold Senghor

Nome orizenałe	(fr) Léopold Sédar Senghor
Biografia
Nasimènto	Joal-Fadiouth (French Senegal)
Mòrte	(95 ani) Verson (Fransa)
Liogo de sepełimento
Sede 16 de l'Acadèmia Franseza
2 de zugno del 1983 – 20 de disenbre del 2001 ← Antoine de Lévis-Mirepoix (it) – Valéry Giscard d'Estaing (it)  →
Presidente de l'Organizasion de l'Unità Africana
28 de apriłe del 1980 – 1° de lujo del 1980 ← William R. Tolbert, Jr. (it) – Siaka Stevens (it)  →
Presidente de Sènegal
6 de setenbre del 1960 – 31 de disenbre del 1980 ← nisun vałore – Abdou Diouf (it)  →
Raprezentante de l'asenblea parlamentària del Consejo d'Eoropa
Raprezentando Fransa 13 de agosto del 1949 – 14 de setenbre del 1959
Menbro de l'Asenblea nasionałe franseze
Senatore de ła comunità
Dati personałi
Rełijon	Ceza catòłega
Formasion
Atività
Canpo de laoro	Poexia e Pułìtega
Posto de laoro
Ocupasion
Atività	1935  –
Partio
Menbro de
Òpara
Òpare in rezalto (1948) Hosties noires (en) (1956) Éthiopiques (en) (1990) Oeuvre poétique (en)
Fameja
Spoxa
Zenitori	Charles M. Huber (pronipote (it) ) Simone Sow (it) (pronipota (it) )
(1996)  Gran premio letterario dell'Africa Nera (it) ../... 25+
Segno

Léopold Sédar Senghor (1961)

Vita

Primi pasi

Léopold Sédar Senghor el xe nato a Joal el 9 otobre 1906. Joal el xe on vilagio a sud de Dakar, la cavedal del Senegal. So pare el xera Basile Diogoye Senghor, on marcante catolego de l’etnia sérère. El nome de Leopoldo el ghe stà dà par onorar léopold Angrand, on marcante socio de so pare, e el nome tradisionale Sédar el vol dir "ono che no sarà mai umilià". El zoino Senghor el ga studià a la scola de i Padri del Santo Spirito de Ngazobil. Da li el se ga spostà a Dakar, do el ga scominsià a interesarse de leteratura. En tel 1928, Senghor el xe rivà in Fransa co na borsa de studio. El xe ndà a studiar a la Sorbona ma, dopo poco, el se sa trasferio a la Scola Normale Superiore dove el ga scominsià a intratenerse co vari leterti francexi. Dopo el diploma, Senghor el ga insegnà inte na scola de Tours e, dopo, al liceo Marcelin-Berthelot de Saint Maur des Fossés, rente de Parigi. Fin che el insegnava el ga continuà a seguire de i corsi de etnologia e lengoistica. En tel 1939, Senghor el xe diventà on oficiale de l’esercito francexe in tel 59° corpo de fanteria coloniale. En tel 1940 el xe stà caturà da i todeschi e meso in tel lager de Poitiers. Dopo do ani e mezo de canpo, el xe stà libarà parché el gavea na salude poco forte. El xe ritornà a insegnar e el ga fato parte de la resistenza in tel Fronte Nasionale Universitario.

Politego

A la fin de la guera, el ga insegnà a la scola nasionale d’oltre mare, posto che el tegnarà fin al 1960, ano de l’indipendensa del Senegal. Co el xera in Senegal par studiar la poesia sérère el cao de i socialisti, Lamine Gueye, el ga domandà de candidarse come deputato. Senghor el xe stà eleto deputato par el Senegal-Mauritania. E tel 1946, Senghor el ga sposà Ginette Eboué, fiola del governator generale de l’Africa Equatoriale Francexe. El ga vù do fioi: Francis-Arphang (1947-) e Guy-Wali (1948-1984). A lo steso tenpo, el taca a scrivar e publicare poesie. En tel 1948, el lasa la sesion francexe de l’union operaia e fonda el Bloco Democratico Senegalese co Mamadou Dia. Dopo la rielesion in tel 1951, el xe stà segretario de Stato a la Presidensa del Consilio soto el governo de Edgar Faure. En tel febraro 1956 el xe diventà el sindaco de Thies, in Senegal, e dal 1956 al 1959, ministro consiliere in tel governo de Michel Debré. En sto tenpo el xe stà anca menbro de la comision par scrivar la nova Costitusion francexe, del Gran Consilio de l’Africa Ocidentale Francexe, e de l’Asenblea Parlamentare del Consilio d’Europa. En tel 1956 el ga divorzià da la so prima mojer e el ga sposà Colette Hubert che la ga dato on fiol: Philippe-Maguilen (1958-1981).

Presidente

Sebghor el xe senpre stà on difensor del federalismo. El pensava che le vecie colonie francexi le dovese riunirse in na federasion come quele inglexi, che le fa parte del Commonwealth. Co el presidente del Mali, Mobido Keita, el ga formà la federasion del Mali, che la ga conpreso anca el Benin (alora Dahomey) e el Burkina Faso (alora Alto Volta). Dopo on mese, Benin e Burkina i ga lasà la federasion. Dopo pochi mesi, anca Senegal e Mali i se lasa. Sengor el xe divegnù el presidente del Senegal e el ga scrito l’ino nasionale. Mamadou Dia, so vecio amigo da i tenpi de la Fransa, el xe meso a preparar i piani de svilupo. En tel 1962 Dia el xe arestà co l’acusa de tentar on colpo de stato. Senghor el xe restà al poder par quatro mandati, fin al 1980. El so sucesor, Abdou Diouf, el ga verto el paexe a el multipartitismo.

El leterato

Senghor el xe stà on leterato francexe de grande inportansa. El xera el vice presidente de l’Alto Consilio de la Francofonia, e menbro de l’Academia Francexe, masimo riconosimento par on leterato de lengoa francexe. Senghor el xe ono de i pari de la negritudine, caia come l’insieme de i valori umani del mondo nero, de le istitusion e de le opere de i popoli neri.

Ultimi ani

Senghor el ga pasà i so ultimi ani a Verson, in Normandia do el xe morto el 20 disenbre 2001. I so funerali i xe sta fati a Dakar el 29 disenbre a la presensa de politeghi francexi. El presidente francexe e el primo ministro (Jaques Chirac e Lionel Jospin, rispetivamente) i no xe ndà al funerale, tirandose drio le critiche del mondo politego e leterario francexe.

Publicasion

Poesie

• Chants d’ombre, Le Seuil, 1945
• Hosties noires, Le Seuil, 1948
• Ethiopiques, Le Seuil, 1956
• Nocturnes, Le Seuil, 1961
• Lettres d’hivernage, Le Seuil, 1973
• Élégies majeures, Le Seuil, 1979
• Guélowar ou prince, Le Seuil, 1948
• Nuit de Sine
• La ruée de l'or
• Femme noire
• l'hymne national sénégalais

Saggi

• Anthologie de la nouvelle poésie nègre et malgache de langue française, PUF, 1948
• Liberté 1 : Négritude et Humanisme, Le Seuil, 1964
• Liberté 2 : 'Nation et Voie africaine du Socialisme, Le Seuil, 1971
• Liberté 3 : Négritude et Civilisation de l’Universel, Le Seuil, 1977
• Liberté 4 : Socialisme et Planification, Le Seuil, 1983
• Liberté 5 : Le dialogue des cultures, Le Seuil, 1992
• La Poésie de l’action, Stock, 1980
• Ce que je crois : Négritude, francité, et civilisation de l’universel, Grasset, 1988

Leteratura giovanile

• La Belle Histoire de Leuk-le-Lièvre, Hachette, 1953

Altri progetti

• Wikimedia Commons

• Wikimedia Commons el detien imàjini o altri file so Léopold Senghor

Portałi:
• Portałe de Africa
|