I luya (luhya inte la loro lengoa) i xe on popolo che vive in Kenya (tra el Lago Vitoria e el Monte Elgon), in Uganda e in Tanzania. En Kenya i xe el secondo grupo etnico dopo i kikuyu. I luya del Kenya i xe divisi in 16 sotogrupi: Bukusu, Maragoli, Wanga, Banyore, Marama, Idakho, Kisa, Isukha, Abatsotso, Tiriki, Kabras, Abanyala, Abatachoni, Abakhayo, Abamarachi and Abasamia. En Uganda se cata 4 sotogrpi e ono in Tanzania.

Storia canbia

I luya i xe rivà inte l’area che i ocupo ancò vegnendo zo da la vale del Nilo. On mito de i luia el parla de Misri (el vecio nome de l’Egito). I xe rivà in tel nord del Kenya co el re Kitang’a. Co i xe rivà sul posto i turkana i ga ciamà el paexe Lokitang (el posto de Kitang). Da li ise saria spostà in Uganda, par poi sistemarse dove i se cata ancò. I luia i xe on grupo bantu, anca se ne le migrasioni i sa miscià de sicuro co grupi nilotici. I parla na lengoa bantu.

I luya ga resistio i inglexi che volea colonixar l’Uganda, e poi el Kenya. La resistensa la xe continuà anca durante la colonizasion fin a l’indipendensa. I sotogrupi de i kabras e i wango i ga colaborà co i inglexi. Tanti de lori i lavoraa come polisioti e come fanteria ne l’esercito.

Cultura canbia

I luya i vivea in fameje poligame. Ancò la poligamia la xe in declino. L’omo capofameja el xera l’autorità suprema. Dopo de lu, el primo fiol maschio de la prima mojer el xera el pi importante, anca se el podea esar pi pecenin de el fiol de naltra mojer. Le done no le gavea voxe in capitolo e no le podea ereditar. I fioi ciapava i nome del clan, o de i noni, o de le condisioni atmosferiche a la nasita (par esempio, on nome comun el xe Wafula, piova).

Tuti i luia i se identifegha co on clan, tuti i parenti in linea paterna par le ultime 4 generasioni (anca i avi i xe considerà vienti). Do luia i se pol sposar solo se i xe de do difarenti clan.

L’iniziasion la prevede la circoncision de omeni e done (clitoridectomia). La circoncision feminila la xe in regreso. Tuti i partecipanti a la circoncision de on serto ano i diventa compari de età. Sta serimonia la se fa ogni 4 o 5 ani.

Na olta i matrimoni i xera organisà da i genitori e l’omo gavea da pagar on risarcimento a la fameja de la dona. La fameja de la dona la gavea dirito al risarcimento parché la perdea na forsa laoro. Le mojere de on omo le podea pasar a so fradel se le diventava vedove.

A la morte de on luya el clan el fa na celebrasion che la pol durare 40 di. I morti de le fameje pi importanti i vegnea sepolti dove na olta ghera on albero vecio. Dopo el funeral, la fameja piantava on figo su la tomba.


Controło de autoritàLCCN (ENsh85079057 · BNF (FRcb13496553j (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Luya&oldid=1032452"