Mario Capecchi (Verona, 6 de otobre 1937) l'è un genetista vèneto, premio Nobel par la medisina inte el 2007. Da l'età de sete ani el vive inte i Stati Unii de ła Amèrica, andove che el laora oncora deso (a l'università del Utah). L'è anca menbro de ła National Academy of Sciences.

El gà vinto el Nobel, insieme coi cołeghi Martin Evans e Oliver Smithies, par aver meso a punto de łe tèniche che, doparando de łe celule staminałi enbrionałi, łe permete di xenerar dei animałi caraterizà da l'asensa de un specifico gene. Sto aprocio el se ga dimostrà de fondamental inportansa par el studio in vivo de ła funsion dei geni e el gà vu un grando suceso in teła comunità sientifica.

Oltre al Nobel, el gà vu na laurea ad honorem da l'Università de Bołogna, e l'è stà premià anca dal presidente american George W. Bush.


Controło de autoritàVIAF (EN201366364 · ISNI (EN0000 0000 2989 7908 · LCCN (ENn90604233 · ORCID (EN0000-0002-9591-4993 · GND (DE1217732470 · WorldCat Identities (ENn90-604233
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mario_Capecchi&oldid=1160105"