Stef Burns

El 28 majo 2011 el se ga spozà a Mirandola in Provinsia de Modena, co Maddalena Corvaglia, da ła cuała, el 28 setenbre, el ga avùo Jamie Carlyn, só tersa fia; el matrimonio el ze stà sełebrà da Vasco Rossi, grasie a na dełega de'l sindaco de ła sitadina. Ła copia ła ga anunsià ła separasion el 19 zenaro 2017.

Stef Burns

Biografia
Nasimènto	(64 ani) Oakland (Całifornia)
Atività
Ocupasion
Menbro de
Instrumento muxegałe	Chitarra
Fameja
Spoxa
Sito web	stefburns.com

Cariera

Łe prime band

El ga tacà sonar ła ghitara de só pare co'l gaveva suparzó 6 ani, l'ano sucesivo el ga resevesto ła só so prima ghitara ełètrega, na Winston. Dopo poco tenpo el ła ga sostituìa co na Fender Mustang.

A 9 ani el ga formà ła só prima band, ciamada "The Yellow Brick Road". A łe scołe supariore el ga sonà inte na band ciamada "Legend" co ła cuała el sonava cover de Allman Brothers Band, Lynyrd Skynyrd, Montrose, Led Zeppelin, Deep Purple, Marshall Tucker Band e nante band dei anni ‘70. El tastierista el zera David K. Mathews, che pì tardi el gavarìa sonà co Tower of Power, Boz Skaggs e Etta James e deso Santana,

Co i "New Legend03", de i cuałi el scriveva i brani, el ga scumisià a internarse inte'l jazz e inte ła fusion, proponendo par zonta cover de Jeff Beck, Return to Forever, George Duke, Herbie Hancock e de n'altri artisti de'l panorama fusion ani '70, inte 'sta formasion A fegurava anca el tastierista John Seppala, co'l cuało el cołaborarà in ocazion de l'àlbun Swamp Tea.

Scominsi de ła cariera profesionałe

Inte'l 1979 Stef el ze entrà far parte de ła só prima vera band: i Omega, conposta da Bill e Reni Slais, ex menbri de ła Elvin Bishop Band, e da Mickey Thomas, che pì tardi el ga avùo suceso co i Starship. Inte'l 1982 Stef el ga cołaborà co Jesse Colin Young, presedentemente partenjente ai Youngbloods, co i cuałi el se ga ezibìo in ziro par i Stati Unìi par un ano. L'ano drioman el ga łaorà insieme ai Pablo Cruise publegando l'àlbun Out of Our Hands e inbarcandose da novo inte un tour statunitense. Inte'l bienio 1984/1985 el fa el turno de Sheila E. co ła cuała el se ga ezibìo anca in Japon ed Europa sonando in Romance 1600 e Sheila E.. Par de pì, in do ładi “B”: “Too Sexy”, ndove che'l ga cołaborà a ła stezura, e “Save the People”.

Inte'l 1986/87 Stef el ga sonà co i Berlin e el ze ndà da novo in tour traverso America, Japon ed Europa, in coinsidensa co ła publegasion de ła cołona sonora de'l film Top Gun co'l brano "Take My Breath Away.

Inte'l 1988 el ze ndà in tour co Michael Bolton, inte'l mèdemo ano el ga fondà un grupo ciamà The Vu con Ross Valory, Prairie Prince, Tim Gorman (za The Who e Rolling Stones) e Kevin Chalfant a ła voze.

Inte'l 1989 Stef el se ga unìo ai całiforniani Y&T co i cuałi el ga rezistrà i àlbun Ten, Yesterday & Today Live, Musically Incorrect e Endangered Species.

Da'l 1989 Stef el ga inazonta na propia band ciamà “Stef Burns Group". I menbri ze stà inte i ani na gran mota dei muzeghisti mensonà prima, i ga conprezo anca Myron Dove a'l baso (Santana/Robben Ford) e Billy Johnson a ła bateria (Santana/Robben Ford).