Storia de la Liberia

La storia de la Liberia la xe unica in Africa. La Liberia moderna la xe nata co companie private le ga fondà teritori do mandar i s-ciavi libarà ne i Stati Unii de America. No bisogna desmentegarse che el teritorio de la Liberia el xera zà abità da popolasion locali, che le xe stà de frecuente mese da parte da i novi abitanti.

Mapa de la Liberia

Liberia ne la pre-Storia canbia

Poco se sa de le popolasion che le abitava la Liberia prima del XII secolo d.C. Verso el XII secolo, popolasion mande dal Mali le xe entrà in tel teritorio che el diventarà la Liberia, spinzendo i grebo su la costa. Co la caduta del l’Inpero del Mali, l’etnia vai la xe entrà inte la Liberia e la ga ocupà la costa, do i kru i vivea. Na coalision de kru co i amnde la ga fermà i vai inte la region de la Montagna del Gran Cao.

Eoropei canbia

I kru i xe entrà in contato co i portoghexi in tel 1461. I ga subito scominsià a far marcà co lori. Olandexi (1602) e inglexi (1663) i ga costruio de i forti su la costa ma i le li ga lasà dopo poco tenpo.

Liberia moderna canbia

La ‘American Colonization Society’ (Società Americana de la Colonizasion) - fondà inte i Stati Unii de America in tel 1816 – la volea fondar na colonia americana in Africa. La Società la volea mandar in Africa i neri libari che vivea inte i Stati Unii, specailmente quei del sud. El pian el xera quelo de parar via neri libari (i neri i xera visti come on pexo par la società, on pericolo par i paroni de s-ciavi – visto che i neri libari i podea ispirar la ribelion a i s-ciavi - e on pericolo par i lavoratori bianchi parché ghe portavia via el laoro) e alo steso tenpo metar le baxi par na colonia americana in Africa. I membri de la Società Americana de la Colonizasion i xera sia bianchi che neri.[1]

En tel 1820, 88 neri emancipadi e 3 rapresentanti de la Società i xe partii par l’Africa. I ga catà on aprodo so l’ixola de Scherbro, Siera Leon. Dopo nianca on mese, la metà de la spedision la xe morta de febre giala.

En tel 1821 el Caitano Robert Stockton a cao de la nave de la marina americana Alligator, el ga ispesionà la costa de l’Africa Ocidentale fin che el ga crompà 55 km de costa da on cao locale in canbio de rum, fusili e perline. I sopravisuti de l’ixola de Scherbro i xe sta portà qi e i ga fondà na colonia so l’ixola de Providence, poco lontana da doe Monrovia la xe stà costruia. Dopo i atachi de la popolasion locale, i colonialisti i ga costruio on fortin (1824) e i ga ciamà el posto Liberia, co cavedal Monrovia in onor del presidente americano James Monroe. A lo steso tenpo, in America l’oposision contro la Società Americana de la Colonizasion la cresea. I neri i xera contrari parché el pian el xera razista. I bianchi i xera contrari parché la colonizasion la xera vista come negativa.

La colonia canbia

I neri americani in Liberia i ga costruio la colonia come na fotocopia de i vilagi inte le piantagioni de i stati del sud. I novi liberiani i ga senpre parlà inglexe, e i se sa tegnudi a distansa de i neri locali. Se le vera che ghe xe stà de i matrimoni co i locali, el xe anca vera che i liberinai de origine liberiana i ga caturà de i locali par farli s-ciavi lori. La vita la xera comunque dura par i liberiani de origine americana. De 4 571 persone emigrade inte i primi 23 ani, solo la metà la xe sopravisuda dopo i primi mexi da l’arivo in Africa.

Oltre che la Società Americana de la Colonizasion, altre società americane le ga volù mandar s-ciavi emancipadi o neri libari che i volea andar in Africa. Le società del Maryland, del Mississipi, de la Pennsylvania, de la Louisiana e de la sità de New York le ga fondà le colonie de Edina, de Port Cresson, de Maryland in Liberia, de Mississipi in Africa, de New Georgia e de Bassa Cove (questa costruia so le rovine de Port Cresson). Tute ste colonie le se sa proclamà indipendenti, le se sa unoi co la Liberia par stacarse ancora, fin che tute le se sa integrà co la Liberia par el 1857.

I coloni americani, soto presion par l’ostilità de le etnie locali, co el pericolo de esar tacà da i inglexi che i volea la colonia, e co el problema de divantar autosuficienti, i se sa proclamà na naxion indipendente in tel 1847. La Liberia la xe stà riconosuda dal Regno Unio in tal 1848, da la Fransa in tel 1852, e da Stati Unii solo chen tel 1862. I americo-liberiani i ga fondà el True Whig Party, unica formasion politea amesa e i ga controlà tuta la vita de la naxion. I americo-liberiani i no xe mai stà pi del 5% de la poolasion.

 
El primo presidente Joseph J. Roberts

El primo presidente da la nova naxion el xe stà Joseph Jenkins Roberts. Roberts el xera nà on nero libaro in Virginia. El ga pasà i so ani da presidente a tentar de far riconosar la Liberia da i paexi eoropei. Soto la so presidensa, la Liberia la ga ragiunto la so dimension atuale e el Liberia College, po diventà l’Università de la Liberia, el xe stà costruio a Monrovia. El secondo presidente, Stephen Benson, el ga continuà el laoro de Roberts e el ga risevù el riconosimento de Belzo (1858), Danimarca (1869), Italia (1862), Norvegia (1863), Svezia (1863), e Haiti (1864).

 
El secondo presidente Stephen Benson

Benson el xe stà el primo presidente a parlar le lengoe locali e a favorir un dialogo co i liberiani autoctoni. El so esempio no el xe stà seguido da tanti altri. Al contrario, problemi co i marcanti inglexi e olandexi i ga portà el governo a favorir na politega de ‘porte serade’. Tute le compravendite da e par l’estero le se podea far solo in sie porti, soto el streto control governativo. Le etnie locali le se sa ribelà e la mancansa de trafico de merci la ga favorì el deficit de le finanse. El governo el sa catà de frecuente in an situasion econòmega grave, sfiorando la bancarota.

Strutura sociale canbia

 
Done liberiane in tel 1910.

La società liberiana la se sa presto organizà in strati. I pi importanti i xe sempre stà i americo-liberiani. Tuti i leader politeghi e finansiari i vegnea da sto grupo. I americo-liberiani i no ga mai volù darghe spasio a i locali. I liberiani nativi i no gavea libartà politega, i dovea laorar par i americo-liberiani, pagar le tase e de frecuente i diventava s-ciavi de i americo-liberiani. I locali i xera tratà come sitadini de seconda clase. La pràtega de la s-ciavitù la xe terminado solo che in tel 1931, co la Lega de le Naxioni la ga amonio la Liberia. I liberiani locali i ga votà la prima olta in tel 1951.

Bancarotta canbia

La Liberia no la xe mai stà bona de generar i schei par la so aministrasion. Pi de na olta el governo el sa catà in tel pericolo de la bancarota. A questo va zonto el problema de prestiti mal fati e de la politega destabilizatrise del Regno Unio, che volea tor parte del teritorio Liberiano par zontarlo a la so colonia de la Siera Leon. En tel 1921, la Liberia la ga chiesto on prestito de 5 milioni de dolari a i Stati Unii. Dopo mexi de negosiasioni, el prestito el xe stà promeso, ma el parlamento lo ga mai aprovà, lasando la Liberia in seri problemi finansiari.

Goma canbia

En tel 1923, la conpania americana Firestone la ga fato de le ricerche in Liberia par vedar se se podea metar su na piantagion de goma. La Firestone la ga afità mezo milion de etari dal governo liberiano par 99 ani a Harbel, la pi grande piantagion del mondo. La goma la xe stà prodota dal 1934 e, co la creasion de 25 000 posti de laoro, la goma la xe subito diventà la pi importante risorsa econòmega del paexe. La Firestone la xe anca diventà on potente elemento politego e de frecuente la se sa intromeso ne i afari de lo Stato, forte de la so posision de una vera fonte de redito del paexe. La Liberia la xera anca ciamà Firestone Republic.

L’inportansa de la goma la xe diventà evidente co la seconda guera mondiale. La piantagion de la Liberia la xera l’unica – dopo quela del Sri Lanka – a fornir goma a i aleati. La goma la xe importante par la costrusion de armi e material belico de altra natura.

Seconda Guera Mondiale canbia

A lo scopio de la seconda Guera Mondiale, la Liberia la selto de alearse co i americani. La Liberia la xera importante par i Aleati, sia par la produsion de goma che come base militare. I todeschi i gavea el control de le rote del Atlantego del Nord, e i americani i gavea bisogno de on ponto de apogio inte l’Africa Osidentale par far rivar soldai e materiale in Eoropa. A lo steso tempo, la presensa de americani sul teritorio e el comercio che i stimolava, la Liberia la ga vù, par la prima olta ne la so storia, el caital par scominsiar el svilupo del paexe. Prima de la guera no ghera infrastruture, e el contato tra americo-liberiani che i vivea so la costa e le comunità de l’interno i xera tegnudi a on minimo. El bisogno de manodopera, la costrusion de strade e altre infrastruture la ga roto sta division artificiale.

El presidente William Tubman el xe stà eleto in tel 1944 e el xe restà par 27 ani a la testa de la Liberia. Tubman el xe stà el primo presidente che ga veramente laora par l’integrasion de i do grupi sociali. Tubman el ga laorà par portar investimenti foresti in Liberia, ma el ga ancà manipolà la Costitusion par restar al potere.

Canbio de guardia canbia

Co la morte del presidente Tubman (1971), el vice presidente William R. Tolbert el xe diventà presidente. EL so primo laoro el xe stà quelo de far controlar i conti de le companie foreste. La Firestone, che la gavea sempre denuncià manco de quel che la fazea, la ga dovù pagar milioni de dolari de tase aretrate. Tolbert el ga anca tentà de verzar fora l’aministrasion publica a i liberiani locali, ma el ga catà la resistensa de la elite americo-liberiana. I privilegiati i vedea i canbiamenti come mas veloci, i liberiani i li vedea come masa lenti.

Tolbert el ga anca fato aprovar de le legi opresive contro l’oposision e i media. En tel april del 1979, co el ga tentà de tajar i susidi al rixo, la zente la sa reoltà contro de lu. El governo el dixea che l’aumento del costo el dovea servir par svilupar la coltivasion del rixo da parte de la popolasion locale, i opositori i faxea notare che la fameja Tolbert la gavea el monopolio del rixo, e che l’aumento del costo el saria ndà ne le so tasche. Tolbert el ga perso autorevoleza e le somose le ga roinà le poche infrastruture de Monrovia.

El 12 aprile 1980, el sergente Samuel K. Doe, de la pi picola etnia de la Liberia, i Krahn, el ga direto on colpo de Stato e copà Tolbert. Quasi tuti i ministri i xe stà fusiladi dopo pochi dì. La majoria de i laoradori governativi i xe scapà via. Finia così el predominio americo-liberiano dopo 133 ani de controlo del paexe.

Doe el ga subito promeso el ritorno a la democrasia par el 1984. Eo el ga fato aprovare na nova Costitusion che la permetea el multipartitismo e la popolasion la ga aprovada co on referendum in tel 1984. Doe el xera el cao del Consilio de la Redension del Popolo. Lu e i altri i xera soldai de poca preparasion inteletuale, i no savea governar. Doe el ga scominsià a copare tuti quei che i se meteva contro de lu. En manco de do ani el ga perso tuto el sostegno popolare che el gavea.

El governo de Doe el xe restà in piè grasie a i juti militari e i schei de i Stati Unii. Ono de i colaboratori de Doe el xera Charles Taylor. Taylor el xe stà arestà el 24 magio 1984 in Sommerville, Massachusetts (USA) par verghe robà soldi del governo. Taylor el xe scampà in Libia do el ga fato on corso de guerilia. Doe el xe diventà brutale. En tel novenbre 1985, Thomas Quiwonkpa el ga provà a far on colpo de Stato. Dopo el falimento de Quiwonkpa, Doe el ga ordenà de vendicarse so i grupi gio e mano de la region Nimba, da do Quiwonkpa el vegnea. Tnta zente la xe scampà in Costa d’Avorio par salvarse.

Prima Guera Sivile canbia

Charles Taylor el ga proposto a i esiliati de preparse par combatar Doe. El 24 dicembre 1989, Taylor e on grupo del so Fronte Patriotico Naxional de la Liberia (NPFL) i xe entrà in Nimba par scominsiar la prima guera sivile de la Liberia. Miliari de gio e mano i se ga unio a Taylor. Dopo de i scontri sanguinosi, Taylor el ga asedià Monrovia in tel giunio 1990. Prince Johnson, che el xera inte el governo Doe, el ga scominsià el so grupo de guerilieri contro el presidente. El 9 setembre, i guerilieri de Johnson i ga caturà Doe, i logha torturà e copà.

Johnson e Taylor i ga continuà a scontrarse par el control de la cavedal. Le trupe de i paexi de l’Africa Osidentale (ECOMOG) le ga tentà de fermar la guera, ma i no ghe riusidi.

Governo Provisorio canbia

En tel novenbre del 1990, i pi importanti grupi che combatea in Liberia i sa catà a Banjul, Ganbia par formar on governo de unità naxionale, co primo ministro Amos Sawyer. Taylor nol ga volu ndar a l’incontro. La guera la xe continuà e Sawyer el ga controlà solo che la cavedal. Altri incontri i ga portà a cesate el fuoco e vari acordi, tuti inutili. La guera sivila la ga continuà fin a l’agosto del 1995, co i vari grupi i ga smeso de sparar e i sa diviso la cavedal. En tel 1997, i liberiani i ga votà par el presidente e i parlamentari.

Taylot el ga vinto le elesion e el xe diventà presidente. I liberiani i ga votà el pezo sior de la guera inte la speransa che la smetese de copar la zente. Taylor el ga continuà a tegnar el paexe in na situasion de insicuresa e el ga dato na man a destabilizar i paexi rente de la Liberia. Taylor el sa soinvolto specialmente inte la guera in Siara Leon, do el sostenea el RUF, el Fronte Unito Rivolusionario.

Seconda guera sivile canbia

En tel 1999 el Liberiani Unii par la Riconciliasion e la Democrasia (LURD) el ga atacà le postasion de Taylor a partir da le baxi in Guinea. En tel giunio 2003 Taylor el controlava solo che on terso del paexe e el LURD el xera rente de la cavedal. En lulio, el LURD controlava on terso de la sità de Monrovia. El 1 agosto, Taylor el ga rinuncià a la presidensa e el xe scampà in Nizeria, co el giudice de la Sira Leon el ga emeso on mandato de catura internasional contro de lu par atrocità comese in guera.

Governo de tranzision canbia

 
Gyude Bryant

El 18 agosto 2003, tute le parti in guera le ga firmà i acordi de paxe. Gyude Briant el xe diventà cao del governo de tranzision. En el otobre 2005, la zente la ga votà par el novo governo. George Weah e Ellen Johnson-Sirleaf i ga pasà el primo turno e i se sa presentà par el voto finale el 8 novenbre. La Sirlea la ga vinto al secondo turno.

En tel marso 2006, Charles Taylor el ga provà a scampar da la Nizeria pa andar in Burkina Faso. El xe stà arestà a la frontiera e portà in Siera Leon, prima, e in Olanda (L'Aia), dopo, par ragioni de sicuresa. El xe acusà de atrocità contro l’umanità.

Note canbia

  1. Map of Liberia, West Africawdl.org, 1830. entrada il 3 de zugno 2013.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_de_la_Liberia&oldid=1103601"