Todd Bridges
Todd Antony Bridges (San Francisco, 27 magio 1965) el ze un ator american. El ze famozo soratuto par aver intarpretà el ròło de Willy Jackson inte'l film Il mio amico Arnold.
Biografia canbia
Todd Bridges intra inte'l mondo de'l spetàcoło co'l gà 6 ani fazendo el só ezordio, e el ze primo puteło de cołor a far parte de un cast fiso de un programa tełevizivo 'merican, ła serie Una famiglia americana (conosùa anca come I Walton). Drìoman el partesìpa da guest-star a na gran rata de serie, cofà La casa nella prateria, Radici, Love Boat, e inte'l 1977 el entra a far parte de'l cast de Fish, spin-off de ła serie Barney Miller. A ze stà parò inte'l 1978 che'l taca daseno a èsar conosùo, grasie a ła serie Il mio amico Arnold, el cui titoło orizenałe el zera Different Strokes, conosùa anca come Harlem contro Manhattan), andove el raprezenta par 8 stajon e 169 epizodi el parsonazo de Willis, só fradèło mazor de'l protagonista Arnold (Gary Coleman).
El suceso, anca se grando a liveło mondiałe, el ze parò fìmero: inte'l 1986 co ła serie ła vien sarà, cavando fora un horror a baso costo inte'l 1988 (Twice Dead) e un cameo e in t'una comedia de serie B inte'l 1989 (Giù le mani da mia figlia) Bridges se retrova sensa un tìbio.
No ło ajuta i problemi parsonałi che'l gà l'ator, dependente da ła cocaina da ła metà dei ani otanta e inte'l 1988 procesà par aver provà a copàr un spaciador. In cuel'ocazion Bridges dichiarandose non colpèvołe, el vien prosiòłesto da tute łe acuze.
Ła so vita ła canbia so'i scominsi dei ani novanta, co el spoza Dori, e el deventa pare de Spencir, el zbandona ła droga e l'alcol łigandose a ła rełigion cristiana. Pian pianèło el reciapa in man anca ła só carièra de ator e el otien nova popołarità grasie al só ròło de Juice inte ła soap-opera Amarsi e pì de resente (da'l 2007 a'l 2009) a'l ròło de Monk inte ła serie Tutti odiano Chris.
El ga partesipà anca a numarozi reality (Skating with the stars, Boxing, Celebrities, Hulk Hogan's Celebrity Championship Wrestling) e da'l 2008 el ze comentador de ła trasmision The Smoking Guns Presents: World's Dumbest...
El 2010 el ze stà l'ano inte'l cuało Todd el ga publegà un libro, Killing Willis, indove el conta dei so problemi co ła droga e co ła łeze e el serca de stabiłìr na identidà pùblega independente da'l parsonazo de "Willis" da łu intarpretà .[1] El 28 de apriłe 2010 el conparise inte'l The Oprah Winfrey Show par ventiłàr de'l suceso otenjùo co'l gera putèło e dei problemi łegałi che ne ze derivà. Co presizion propio un meze drioman, el co-protagonista de "Diff'rent Strokes", Gary Coleman, el more a l'età de 42 ani.
Inte'l 2012 el aparise so un cameo de'l film comedia Indovina perché ti odio 'ndove che'l intarpreta se steso.
Daspò ła morte de Conrad Bain capitada inte'l zenaro 2013 el ze restà l'ùnjoło ator de'l cast prensipałe de ła serie Il mio amico Arnold oncora in vita.
Vita privà canbia
Inte'l 1998 el spoza Dori A. Smith e senpre inte l'ano de'l matrimonio A ghe nase un fiòło de nome Spencir Todd Bridges.
Filmografia parsiàl canbia
- Indovina perché ti odio (That's My Boy), regia di Sean Anders (2012)
Note canbia
Altri progeti canbia
Wikimedia Commons el detien imàjini o altri file so Todd Bridges
Linganbi foresti canbia
- (EN) Todd Bridgesprofightdb.com, Internet Wrestling Database (IWD).
- (EN) Todd BridgesInternet Movie Database, IMDb.com.
- (EN) Todd BridgesAllMovie, All Media Network.
- (EN) Todd BridgesBehind The Voice Actors, Inyxception Enterprises.
Scheda su Todd Bridges de l'Internet Movie Database
| Controło de autorità | VIAF (EN) 22083221 · ISNI (EN) 0000 0001 1460 2668 · LCCN (EN) nr2003003792 · BNF (FR) cb14159081x (data) · WorldCat Identities (EN) nr2003-003792 |
|---|