Wikipedia

Tosca (òpara)


Tosca ła ze na òpara lìrega in tre ati conpozesta tra el 1896[1] e el 1899 da Giacomo Puccini so libretto de Giuseppe Giacosa e Luigi Illica e bazà so la òpara teatrałe de Victorien Sardou La Tosca.[2][3][4][5][6] La ze stà raprezentà par la prima volta el 14 de zenaro 1900 al Teatro Costanzi de Roma.[2][3][4][5][6]

Manifesto de ła prima raprezentasion de Tosca de Giacomo Puccini

Istòrego canbia

Conpozision canbia

 
Libreto de Tosca del 1899

Nte el 1889, Giacomo Puccini el gaveva asistio a na raprezentasion de La Tosca de Sardou a Miłan.[2] Rimasto particołarmente colpio dal drama, el gaveva pensà de méterlo in mùzega[2] la so richiesta a l'editore Ricordi de acuistare i diritti so l'òpera de Sardou la ze stà fazesta el 7 de majo de che l'ano steso.[1]

Puccini el gaveva parò insialmente dovesto rinunsare al so projeto forse par un problema co ła concesion dei diriti a Caza Ricordi da parte de Sardou.[1][2]

Sie ani dopo parò[1], cuando che el jera oncoro drio laorare a l'òpara Manon Lescaut[1], Puccini el ga posudo tornare a ripensare a scrivere ła mùzega par Tosca dopo ła rinunsa da parte del conpozidore Alberto Franchetti.[2] Puccini se ga cusita meso a laorare a l'òpare inte l'otobre del 1896.[1]

Se raconta che Puccini el sia stà perfesionista inte el corso de ła conpozision: par ezenpio el ga vusudo savere la ezata intonasion de łe canpane de San Piero in Vatican.[7]

Prima raprezentasion canbia

La prima de l'opera, raprenzentà el 14 de zenaro 1900 al Teatro Costanzi de Roma, la ze stà dirizesta dal maestro Leopoldo Mugnone.[2] I interpreti prinsipałi i jera Haricléa Darclée ('nte el ruoło de Tosca), Emilio De Marchi ('nte el ruoło de Cavarodossi) e Eugenio Giraldoni ('nte el ruoło de Scarpia).[2]

Un cuarto d'ora prima del scumisio de l'òpara ghe jera stà un falso alarme atentato.[8]

El judisio inisiałe da parte de ła critega no el jera stà favorevołe, a difarensa de cueło del pùblego.[8]

Sucesive raprezentasion canbia

Cuando che Puccini el zera oncora in vita, la so Tosca ideałe la jera el soprano Maria Jeritza (1897-1982).[9] A propozito de la Jeritza, se conta un anèdoto: inte el 1915 a Vienna, la cantante la gaveva vudo un insidente e la ze stà costrinzesta a provare stando butà; Puccini el ze stà entuziasta cuando che la ga vedesta cantare l'aria Vissi d'arte cusita, parché pare che cuela fuse proprio la pozision che el gaveva pensà łu.[10]

Tra le interprestasion de Tosca pì aclamà dal pùblego ghe ze cueła de Maria Callas al Covent Garden de Londra.[9] De sta raprezentasion, ze stà conservà el secondo ato (co el barìtono Tito Gobbi inte el ruoło de Scarpia) in na produsion sinematogràfega.[9]

Personaji[2][3][4][5][6] canbia

 
El tenore Enrico Caruso inte i pani de Mario Cavaradossi in Tosca
  • Floria Tosca (soprano), na famoza cantante
  • Mario Cavaradossi (tenore), pitore, morozo de Tosca
  • Baron Scarpia (barìtono), cao de ła połisia
  • Spoletta (tenore), połisioto al servisio de Scarpia
  • Cesare Angelotti (baso)
  • Sagrestan (baso)
  • Sciarrone (baso)

Trama canbia

Ato I[2][3][5][6][11][12][13] canbia

 
Na sena del primo ato de Tosca
 
Na sena del primo ato de Tosca

La visenda la se svolze a Roma inte el zugno 1800.

L'ex-cònsołe de ła caduda Repùblega romana Cesare Angelotti, evazo dal càrsere de Castel Sant'Angelo, el va a scóndarse inte ła ceza de Sant'Andrea della Valle, dove che se cata la capeła de fameja; lì el se mete su dei àbiti feminiłi, mesi lì da so soreła, ła marcheza Attavanti.

Poco dopo el trova lì un so vecio amigo, el pitore Mario Cavaradosi, che el ze lì par fare un dipinto de ła Madona, a cui el ze parò drio dare łe senbianse de so moroza, Floria Tosca, na famoza cantante. Cavarodossi el juta donca el so amigo a scondarse.

Poco dopo, riva lì Tosca, che la vede scapare Mario co una che pare na dona e la pensa che so morozo el gapia na tresca amoroza. Ła zełozia la aumenta cuando che, vedendo el cuadro fazesto da Mario, la che el sia un ritrato de ła marcheza Attavanti e oncora de pì cuando che la cata el ventajo de ła marcheza perdesto inte ła fuga da Angelotti.

El ventajo el ghe vien mostrà dal cao de ła pułisia Scarpia che el ze drio sercare Angelotti. Scarpia el ze invaghio de Tosca e el medita de ciapare do picioni co na fava, arestando, oltre che Angelotti, anca el morozo de Tosca Cavaradossi.

Poco dopo, riva la notisia (en realtà falsa) de ła sconfita de Napołeon e el sagrestan fa intonare in segno de festa el Te Deum.

Ato II[2][3][5][8][11][13][14] canbia

(VEC)
«E avanti a lui tremava tutta Roma! »
— Floria Tosca a ła fin del II ato[15]
 
Na sena del secondo ato de Tosca

Tosca la ze stà invità da Scarpia a Pałaso Farnesi.

Intanto riva la pułisia che ga caturà Mario, a cui ghe vien domandà soto tortura el nascondijo de Angelotti. Mario no el parla, ma a rivełare el posto dove che se sconde Angelotti ze Tosca, dopo ver sentio le urla de Mario soto tortura.

Inte el fratenpo riva la notisia che Angelotti se ga suisidà. Rivaa anca ła notisia che Napoleone el ga vinsesto: Mario el ezulta e sta roba cuà che costa ła condana a morte cofà rivołusionario.

Tosca la inplora parò Scarpia de conséderghe ła libertà a Mario. Scarpia ghe domanda parò in canbio che ła divegna la so amante.

Na volta che Tosca la ga aconsentio, Scarpia el firma do salvacondoti, uno par Tosca e par Cavaradossi, e el fa finta de ordinare a Spoletta davanti a ła dona che la ezecusion de Cavaradosi la gapia da èsere tuta na finta: in realtà el fa caire a ła so guardia che Cavaradossi el gapia da vigner fuziłà par davero, inganando cusita Tosca.

Poco dopo, Scarpia el se avisina a Tosca par abrasarla, ma la dona la ciapa in man un corteło e ghe ło inpianta inte ła pansa al cao de ła pułisia, che poco dopo el more. Prima che Scarpia, el mora, Tosca che manda de łe inprecasion.

Ato III[2][3][5][8][14] canbia

 
Na sena del terso ato de Tosca
 
Na sena del terso ato de Tosca

Cavaradosi inte ła so ceła in ateza de ła fuziłasion, el scrive na létera de adio a Tosca.

Poco prima de l'ezecusion riva Tosca che lo informa che la fuziłasion la sarà soło na finta e donca che el ga da fìnzere de èsere morto.

Cavaradossi el vien fuziłà e na volta che el ze ndà via el ploton d'ezecusion, Tosca se avisina al so omo e la ghe dize che el połe alsarse: la se acorze parò che el ze pien de sangue e che el ze veramente morto. Poco dopo, riva le guardie par arestare Tosca par l'omisidio de Scarpia: Tosca, par sotrarse a l'aresto e par la disperasion par la morte de Mario, la se buta zo da Castel Sant'Angelo.

Àrie e altri brani canbia

Ato I canbia

Recondita armonia interpretà da Enrico Caruso

Ato II canbia

(VEC)
«Vissi d'arte, vissi d'amore. Non feci mai male ad anima viva»
— Vissi d'arte[9][14]
Vissi d'arte interpretà da Emmy Destinn
  • Ella verrà par amor del suo Mario (Scarpia)[3]
  • Vittoria! Vittoria! (Cavaradossi, sena IV)[2][3]
  • Vissi d'arte (Tosca, sena V)[2][3][9][14]

Ato III canbia

(VEC)
«Svanì par sempre il sogno mio d'amore: l'ora ze fuggita e muoio disperato»
— E lucevan le stelle[2]
E lucevan le stelle interpretà da Enrico Caruso
  • E lucevan le stelle (Cavaradossi, sena II)[2][3][16]
  • O dolci mani (Cavaradossi e Tosca)[3]
  • Marcia al suplisio[3]

Notasion canbia

  1. ↑ 1,0 1,1 1,2 1,3 1,4 1,5 Sartori, Claudio, p. 259
  2. ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 2,17 2,18 Tosca so Cantare l'opera.com
  3. ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 Tosca so Liricamente.it
  4. ↑ 4,0 4,1 4,2 A.A.V.V., Dizionario dell'opera lirica, p. 462
  5. ↑ 5,0 5,1 5,2 5,3 5,4 5,5 5,6 Bartta, András, p. 462
  6. ↑ 6,0 6,1 6,2 6,3 6,4 Marchesi, Gustavo, p. 310
  7. ↑ Bartta, András, p. 463
  8. ↑ 8,0 8,1 8,2 8,3 A.A.V.V., Dizionario dell'opera lirica, p. 464
  9. ↑ 9,0 9,1 9,2 9,3 9,4 Bartta, András, p. 465
  10. ↑ Bartta, András, p. 464
  11. ↑ 11,0 11,1 11,2 A.A.V.V., Dizionario dell'opera lirica, p. 463
  12. ↑ Marchesi, Gustavo, p. 311
  13. ↑ 13,0 13,1 13,2 Marchesi, Gustavo, p. 312
  14. ↑ 14,0 14,1 14,2 14,3 Marchesi, Gustavo, p. 313
  15. ↑ E avanti a lui tremava tutta Roma! so Opera-Arias.com
  16. ↑ Bartta, András, p. 467

Bibliografia canbia

  • A.A.V.V., Dizionario dell'opera lirica, Arnoldo Mondadori Editore, Milano, 1991
  • Bartta, András, Opera, Könemann, 1999-2000
  • Marchesi, Gustavo, L'opera lirica. Guida storico-critica dalle origini al Novecento, Ricordi-Giunti, 1986
  • Sartori, Claudio, Puccini, Nuova Accademia Editrice, Milano, 1958

Altri projeti canbia


Linganbi foresti canbia



Controło de autoritàVIAF (EN) 178595470 · LCCN (EN) n93081951 · GND (DE) 300122470 · BNF (FR) cb13917267v (data) · WorldCat Identities (EN) n93-081951
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Tosca_(òpara)&oldid=1105985"