Wikipedia

Wikipedia
URL	http://www.wikipedia.org
Comerciałe?	No
Tipo di sito	Ensiclopedia online
Registrasion	Opsionałe
Proprietario	Wikimedia Foundation
Creà da	Jimmy Wales, Larry Sanger
Lanso	15 de genaro 2001
Stato corente del sito	In continuasion
Slogan	L'ençiclopedia libara

Wikipedia ła xè na ensiclopedia online, multiłenguistega, ła gà un contenuo łibaro, scrita da vołontari che cołabora fra de łori e sostegnùa da ła Wikimedia Foundation, na organixassion non-profit.

Al dì de ancò ła xe publicada in pì de 200 łengue difarenti (de ste qua su par zo 100 parlae da vivo), co queła ingléxe ancò la pì granda par zonta ła gà dentro parołe come su i argomenti propi de na tradisionałe ensiclopedia come su quełi dei barbanera, disionari jeografisi e de tuałità. Ła só intension ła xe queła de scuminsiar e difóndare na ensiclopedia internasionałe libara 'ntel pi grando nùmaro de łengue posìbiłi. Wikipedia ła xe za un dei siti de consultasion pi popołare del web, ła ga infati su par zo 60 miłioni de contati al dì.

Eł łogo de ła Wikimedia Foundation

El lanso de Wikipedia en łéngua vèneta el xè avegnùo inte'l Otobre del 2005. Uno dei vari projeti ligà a Wikipedia, xè queło de Wikisource.

Carateristighe

« L' "ensiclopedia partesipata" me preccupa de manco: ła dopàro regolarmente, e trovo che ła quałità e l'afidabiłità de łe informasion sia notevołe. Calche problema ghè xè soło quando 'ò sogeto xè estremamente controverso. In sto caxo ła neutrałità, e łe resiproche obiesion, i spinge verso el minimo comun denominatore, e bixgna acontentarse. Ma questo xè inevitabiłe, e in fondo acadeva xà có łe ensiclopedie tradisionałi. »

(Beppe Severgnini)

L'obietivo de Wikipedia xè de creare un'ensiclopedia libara e "universałe", in termini sia de anpiesa che de profondità de i argomenti tratài. Wikipedia xè stà descrita da Jimmy Wales, uno dei so fondatori, cofà no sforso par crear e distribuire un'ensiclopedia libara de ła pì alta quałità posibile ad ogni singoła persona sul pianeta inte ła so propia łèngua.

Wikipedia deriva el so nome da ła conpoxizion de ła paroła wiki, termine hawaiano che signifega "vełose" e có cui vien ciamà un tipo de softuér colaborativo, e da pedia, sufiso de ensiclopedia che in greco signifega "insegnamento". Wikipedia, inte łe intension de Wales, dovarìa raxunxare na quałità pari o mijiore de ła "Ensiclopedia Britanica" e esare publicà anca so carta.

Su Internet existe o i xè exixtìi anca altri projeti de ensoclopedie. Alcuni i se baxa so łe consuete pùłitighe editoriałi de propietà inteletuałe so łe voxi, come l'Ensiclopedia Stanford de Fiłoxofia o l'ormai defunta Nupedia, entranbe conpilàe da esperti. Siti web pì informałi, come H2G2 o Everything2, i serve come guide xenerałi łe cui voxi łe xè scrite e controlàe da persone comuni. Projeti come Wikipedia, Susning.nu, e ła Ensiclopedia Libara, i xè invese wiki łe cui voxi łe xè svilupàe da numeroxi autori e in cui nò exixte alcun proceso formałe de revixion. Wikipedia xè divegnùa el pì grando de questi wiki ensiclopedisi par numaro de voxi. A diferensa de molte ensiclopedie, el contenuo de Wikipedia xè stà rilasià soto ła licensa GNU Free Documentation License.

Wikipedia ła gà dentro un insieme de linee guida volte ad identifegare quałi tipi de informasion łe sia adate a esare inserìe. A ese se fa speso riferimento inte łe dispute par desidare se un particołare contenùo 'l gà da esar xontà, rivisto, trasferìo ad un projeto afine opùr cavà via.

I altri projeti inte łe łèngue minori

Ła version in łèngua itałiana de Wikipedia xè ciamà anca it.wiki e ła xè nata a majo del 2001, soto el nome a dominio de terso liveło it.wikipedia.org.

Inte'l 2003 łe xè nate łe Wikipedia in latino ed in ocitano.

Ad apriłe 2004 nase ła Wikipedia in sardo, poi a otobre, ła Wikipedia in siciłian, a genaro 2005 ła Wikipedia in friulan e a seguire, inte'l corso del 2005, łe Wikipedie in corso, napołetan, romancio, lonbardo e infine, queła che te si drio lexare deso, overo queła in véneto. Inte'l 2006 invese łe xè nate łe edision in ligure, piemontexe, francoprovensałe e tarantino. Inte'l 2007 xè nata queła in emilian e in romagnoło.