Laburnum anagyroides

*Laburnum anagyroides*
	;
Stato de conservasion
	Ris-cio mìnemo
UICN	79919483
Tasonomia
Superregno	Eukaryota
Regno	Plantae
Órdene	Fabales
Fameja	Fabaceae
Zènare	Laburnum
Spece	Laburnum anagyroides; Medik.

Ł'ègano (nome sientifego Laburnum anagyroides) el xe na pianta de ła fameja de łe Fabaceae. In todesco se dixe Goldregen, in inglexe laburnum, in italian maggiociondolo. Sta pianta, alta fin a 5 - 6 metri, ła ga, come carateristega, graspi longhi 30 cm de fiori (40 par graspo) xałi oro. Sti fiori, fati a farfała, i xe grosi presapoco do çentimetri e i vien fora intrà apriłe e lujo. In lujo maùra i fruti, ke i pare fasoj de cołor verde scuro - maron, co drento fin a disdoto semense more. Ł'ègano vien doparà come pianta ornamentałe inte i giardini, ma el legno, xało - maron, el xe duro e rexistente e bon par far pałi, lavori de carpenteria e anca par esare bruxà.

Alkałoidi deł'ègano

In spece łe semense, ma anca łe altre parti de ła pianta, łe ga drento dei alkałoidi: citixina, N-Metilcitixina, laburnina e laburnamina. Ste sostanse xe ła raxon deł'invełenamento da ègano.

Fiori de ègano

Invełenamento da ègano

Inteł'omo, ma no inte el conejo, ntel lievore e inte el cervo, i alkałoidi deł'ègano i intòsica i gangli sinpàteghi del sistema nervoxo , in maniera ke ghe someja ała nicotina, visto ke i se liga ai stesi recetori: prima stimołando e dopo portando ała paràłixi. I sintomi i xe: sgrìxołi, forte traspirasion, giramenti de testa e mal de testa 'nteła prima faxe, parałixi e arèsto del respiro 'nteła seconda. Par fortuna inte i òmeni ł'intosicasion ła xe acuta e ła fa vomitar tuto subito, di modo ke no se va avanti coł'asorbimento dei alkałoidi e tuta ła serie de disastri ke gavemo visto prima.

Wikimedia Commons el detien imàjini o altri file so Laburnum anagyroides
Wikispecies el detien informasion so Laburnum anagyroides
Scholia el detien schemi gràfeghi so Laburnum anagyroides

Controło de autorità	GND (DE) 4277244-8