Łéngua hauàiana

Łéngua hauàiana
‘Ōlelo Hawai‘i
	;
Nome locaƚe	‘ōlelo Hawai‘i
Tipo	łéngua e łéngua viva
Parlà in	Stati Unii de l'Amèrica
Autòctono de	Hawaii
Parlanti
Totałe	27 200 (2000 )
Parlanti L1	24 000
Clasifega	Non inte'e prime 100
Caratarìsteghe
Scritura	Alfabeto Hawaian, orixenà da quelo latin
Clasifegasion lenguìstega
	łéngua umana; łéngue austrotai; łéngue austroneziane; łéngue malayo-połineziane; łéngue malayo-połineziane nucleari; łéngue malayo-polinesias centro-orientałi; łéngue malayo-połineziane orientałi; łéngue oseàneghe; łéngue oseàneghe sentro-orientałi; łéngue del Pasìfego sentrałe; łéngue połineziane; łéngue połineziane nucleari; Eastern Polynesian (en) ; łéngue marcheziane
Statuto ofisałe
Lengua ofisałe in	Stati Unii de l'Amèrica - Hawaii
Regoƚà da	Ka Haka ʻUla O Keʻelikōlani (Scola de'a lenga hawaiana)
Vulnerabiłità	5 in perìcuło crìtego
Còdazi
ISO 639-2	haw
ISO 639-3	haw
Glottolog	hawa1245
Linguasphere	39-CAQ-e
Ethnologue	haw
UNESCO	712
IETF	haw
Endangered languages	125
Toco in lengua
	Declarasion Universal de'i diriti umani, art. 1; Hānau kū'oko'a ‘ia nā kānaka apau loa, a ua kau like ka hanohano a me nā pono kīvila ma luna o kākou pākahi. Ua ku'u mai ka no'ono'o pono a me ka ‘ike pono ma luna o kākou, no laila, e aloha kākou kekahi i kekahi.

La Lengua hawaiana (o hauàiana) o Hawaiano (o Hauàiano), nome nativo ‘ōlelo Hawai‘i la xe na lengua austronesiana, parlàa inte'i Stati Unii, inte el stato de'e Hawaii.

Storia

Storia pre-colonial

La lengua la se ga orixenà da un grupo de naviganti de Tahiti che i jera emigrài inte'e Hawaii inte el IV secolo.

1778

A'l 1778 el risale el primo incontro tra i inglesi e i Hawaiani, in sta epoca se ga scomisià scrivar in Hawaian, e a'e Hawaii i xe rivài i soni de altre lengue cofà el todesco, el portogheze, el inglese, e el spagnolo.

1830

La lengua la ga scomisià, inte el periodo che el va dal 1830 al 1950, a perdar parlanti, inte el 2011 i parlanti marelengua i jera rivài a esar el 0,1% de'a popolasion de'e Hawaii. El motivo de tuto ciò el xe da catarse inte na leje del 1896 ch'a vietava de parlar a scola e insegnar el Hawaian, che la ga portà a no parlar pì el Hawaian anca casa; n'altra rajon la pole esar che le Hawaii e jera drio subir na granda imigrasion inte'l'Otoxento, e che cuindi i istesi abitanti n'i se podèa capir tra de lori; n'ultima causa del declin de'a lengua a pol esar un prejudisio lenguistego ch'el faoriva el linglexe, e ch'el faxèa senbrar el Hawaian na lengua secondaria.

1949

Da'l 1949 in vanti la lengua Hawaiana la se ga rivitalixà, grasie a numarose inisiative come el novo galepin de Hawaian de Mary Pukui e Samuel Elbert; ma anca l'institusion de scole nido dove che i tosatei i podèa scoltar da'i veci marelengua Hawaiani la lengua. El ga judà anca a creasion de programi par radio e xornài in Hawaian.

Uncuò

Uncuò el numaro de parlanti de Hawaian el xe cresùo, anca se la lengua la xe oncora inserìa inte'l'atlante de'e lengue in pericolo de'l'Unesco.^[1]^[2]^[3]^[4]

Nome

El nome Hawaian el vien da el nome del'ìzoła pì granda de'l'arsipelago de'e Hawaii, ciamàa proprio Hawaii; da dove che la lengua la se ga difondesto. Na volta el jera ciamà anca Oh-Why-hee, parché cusì i la gavèa ciamàa i primi esploradori.

Fameja

La lengua la ghe someja a altre lengue de la fameja austronesiana, come el marchesan, el samoan, el tahitian, el maori, e anca el pascuense. Ghe xe anca cualche somejansa co el Proto-austroneisan, na lengua recostruia da'i studiosi cofà la lengua primitiva de partensa par tute le lengue austronesiane.

Cuà da baso na tabela conparativa de alcune de'e lengue austronesiane.


Vèneto	Un/On	Do	Tre	Cuatro	Sincue	Sie/Sei	Sete	Oto	Nove	Diexe
Proto-austronesiano	*isa	*DuSa	*telu	*Sepat	*lima	*enem	*pitu	*walu	*Siwa	*puluq
Amis	cecay	tusa	tulu	sepat	lima	enem	pitu	falu	siwa	pulu'
Yami	asa	doa	atlo	apat	lima	anem	pito	wau	siyam	pao
Tagalog	isá	dalawá	tatló	ápat	limá	ánim	pitó	waló	siyám	sampu
Ilocano	maysá	dua	talló	uppát	limá	inném	pitó	waló	siam	sangapúlo
Cebuano	usá	duhá	tuló	upat	limá	unom	pitó	waló	siyám	napulu
Chamorro	maisa/håcha	hugua	tulu	fatfat	lima	gunum	fiti	guålu	sigua	månot/fulu
Malagasy	isa	roa	telo	efatra	dimy	enina	fito	valo	sivy	folo
Malay/Indonesian	sa/se/satu	dua	tiga	empat	lima	enam	tujuh	lapan/delapan	sembilan	sepuluh
Minangkabau	ciek/satu	duo	tigo	ampek/empat	limo	anam/enam	tujuah/tujoh	salapan/lapan	sɔmbilan	sapuluah/sepuloh
Javanese	siji	loro	telu	papat	lima	nem	pitu	wolu	sanga	sepuluh
Tetun	ida	rua	tolu	hat	lima	nen	hitu	ualu	sia	sanulu
Fijian	dua	rua	tolu	vā	lima	ono	vitu	walu	ciwa	tini (archaic: sagavulu)
Kiribati	teuana	uoua	teniua	aua	nimaua	onoua	itiua	waniua	ruaiua	tebuina
Tongan	taha	ua	tolu	fā	nima	ono	fitu	valu	hiva	-fulu
Sāmoan	tasi	lua	tolu	fā	lima	ono	fitu	valu	iva	sefulu
Māori	tahi	rua	toru	whā	rima	ono	whitu	waru	iwa	tekau (archaic: ngahuru)
Tahitian	hō'ē	piti	toru	maha	pae	ōno	hitu	va'u	iva	'ahuru
Marchesan	tahi	'ua	to'u	hā	'ima	ono	hitu	va'u	iva	'ahu'u
Dialeto de'e Isole Sotovento	tahi	rua	toru	fā	rima	ono	fitu	varu	iva	'ahuru
Maori de'e ìzołe Cook	ta'i	rua	toru	ā	rima	ono	itu	varu	iva	ta'ingaoru
Hawaian	ʻekahi	ʻelua	ʻekolu	ʻehā	ʻelima	ʻeono	ʻehiku	ʻewalu	ʻeiwa	-ʻumi

Mutua intexibijità

Se ga dimostrà (co un studio del 1962 de J. H. Ward) che un parlante Hawaian el sarìa bon de capir el 41,2% de'e parole de uno che parla marchesan, el 37,5% de'e parole par el tahitian, el 25,5% co uno che parla Samoan; e el 6,4% co uno che parla Tongan.

Dialeti

Destribusion de'i parlanti del dialeto de Nihau

La lengua Hawaiana, la xe senpre stàa dividesta in dialeti o varietà; deso, quelo pì parlà xe el stàndar, regolà dal Ka Haka ʻUla O Keʻelikōlani (KHUOK), ma un altro arquanto parlà el xe anca el dialeto de Ni'ihau, parlà inte'a l'ìzoła di Niihau ch'el se ga conservà par el so ìzołamento. L'ìzoła la xe considaràa l'unego posto dove che el Hawaian el xe incora parlà cofà lengua de tuti i dì.

El Hawaian inte'e scole

El Hawaian el xe insegnà inte'e scole medie inte'e e Hawaii: i ghe xe do tipi de scole col hawaian, una co n'imersion parsiale inte'a lengua, n'altra co n'imersion totale. Ghe xe anca una scola superior in lengua Hawaiana, che la xe l'unega scola el lengua indixena de'i Stati Unii.

Ortografia

L'alfabeto hawaian el xe de tredexe litare: 5 vocale e 8 consonanti. Le tredexe letare le xe scite col alfabeto latin.

Vocale

Le vocale le xe sincue: la "a", la "e", la "i", la "o", e la "u". Le pole esar co un sono pì longo (Ā ā Ē ē Ī ī Ō ō Ū ū), o pì curto (A a E e I i O o U u)

Consonanti

Le consonanti le xe oto: la "h", la "k", la "l", la "n", la "p", la "w" e la 'okina indegàa co el apostrofo (').

'Okina

La 'okina la xe na consonante doparàa in arcuante de'e lengue austronesiane par segnalar un spasio cofà el vèneto "da Aldo" in mexo de le do "a".

Regole zenarai

Inte el hawaian tute le parole le finise par vocale, e dopo na consonante ghe ga da esar senpre la vocale, donca no se podarà mai 'ver parole co do consonanti tacàe, cofà el veneto "poRTa"^[5]

Gramatega

La lengua Hawaiana la xe del tipo VSO (overo: Verbo - Sojeto - Ojeto), e la sernise tre tipo di numari: el singolar (1), el dual (2) e el plural (3 o pì de 3)

Notasion

Voxi vesine

Altri projeti

Wikipedia la ga un'edision el hawaian [1]
Wikimedia Commons la ga altri file par hawaian
Wikisionario el ga un galepin inte'l'incubator de hawaian

[1] ttp://www.unesco.org/languages-atlas/index.php?hl=en&page=atlasmap

[2] ttp://www.olelo.hawaii.edu/khuok/index.php Archivià il 17 de febraro 2021 in Internet Archive.

[3] ttps://www.angelfire.com/hi2/hawaiiansovereignty/hawlangillegal.html

[4] ttps://www.angelfire.com/hi2/hawaiiansovereignty/hawlangpublvictclaims.html

[5] ttps://www.viaggiamo.it/lingua-hawaiana/

[1]

[2]

[3]

[4]

[5]