Verxi el menu prinsipałe

Łibri de vedute

I libri de vedute łe śè dełe racolte de incision coe vedute dei posti più bei de na' data città.

Nel '500-'600 e '700 no ghe gera e machine fotografiche,e gnanca e cartoine. I grandi viagi i costava un saco de beśi e soeo i nobii o qualche ricon podeva spender par stè robe. Eora i se gaveva inventà calcośa come «l'inviato special» che saveva disegnar o pintar.

Stì disegni i vegniva riportai su legno o su rame, e i diventava stampe de diverse misure secondo ea bisogna. Sè vardè, tute e carte geografiche, vedute, decori de marmo come de legno, e śe stae cavae dai libri e e vien vendue separae parchè el libro intiero el costaria un ocio de ea testa. Per etica no bisognaria farlo, ma i beśi śè i beśi.

De libri intieri ghe ne śè ncora, e tegnirli śè beo,parchè e śè dee vere testimonianse dei tempi andai.

Par e carte geografiche e par e carte nautiche el discorso śè diverso, quei che faseva stè carte i gera dei veri e propri cartografi, siori importanti conosui in tute e tere emerse. Qualche nome? Par nialtri Veneti, el più importante el śè el Padre Vincenzo Maria Coronelli (1650-1718), Cosmografo dea Serenisima Republica. Dopo ghe śè Jodocus Hondius, G. Antonio Magini, Abraham Ortelius, Gerard Mercator, Willem Janszoon Blaeu, Johannes Janssonius e tanti altri che dispiase no meter, ma ghe voria tanto spaśio.

Forse śè megio meter qualche carta per capir de più de cośa semo drio ciacoear.

Sicilia e Sardegna - Homann
Italia - V.M.Coronei
Irlanda Sett. - V.M.Coronei
File:Territorio di Bologna.jpg
Teritorio de Bologna - W.J.Blaeu, 1571-1638

Vedute vere e proprie (Venexia):

El Ponte de Rialto
Ea Basiica
Ea Piaseta