1080i
1080i xe na categoria de modałità video, tute caraterixade da na risolusion vertical de 1080 linee e da ła scansion interlasada, che vien prima del formato 1080p
El 1080i xe un formà de alta definision, che ciapa drento on raporto de aparensa de 16:9. Ła risołusion orixontal del formato xe de 1920 par 1080 pixel.
Ła cadensa de riprexa in hertz połe esare implisita inte el contesto o indicada in maniera espresa, co na notasion comun, dopo ła letara i.
Łe frecuense pì doparae łe jera de 25 e 30 fotogrami al secondo, secondo ła divixion tradisional ereditada dai sistemi PAL e NTSC e legada dal doparare de sircuiti co segnałi de controło derivai (previo scałamento de ła frecuensa di on fattore 1/2) de ła corente alternada doparada in chei paexi (frecuense de 50 e 60 Hz rispetivamente).
A seconda se se sia drio riferir a ła frecuensa de cuadro o de semicuadro, se połe doparar notasion come 1080i25, 1080i50 e, secondo ła racomandasion EBU, 1080i/25, tute tra łore ecuivałenti.
El formato 1080i, pcr ła so naura interlasada, jera diretamente compatìbiłe co i monitor a tubo catodego. Par esare vardà su display a scansion progresiva, come cuełi al plasma e LCD, el segnal ga da esare sotoposto a on proceso ciamà deinterlasamento.
Par via de łe modifiche a lo stàndar NTSC introdote a l'epoca de l'introdusion del cołore, ła cadensa de riprexa de łe trasmision 1080i/30 jera in realtà pì baso del 0.1% rispetlto al vałore nominal, cuindi de sirca 29,97 fotogrami al secondo. Anca ła notasion 1080i29.97 xe doparada inte dei ambiti. I stàndar de deso i suporta frecuense sia de 24/30/60 reałi sia de 23,976/29,97/59,94 fotogrami al secondo.
Ghe xe na variante del formato cuando aplicà al sistema de rexistrasion HDV che limita ła risułusion a 1440 × 1080 pixel. In sto caxo l'aspect ratio dei pixel xe pari a 1,333 e xe el rixultà de na deformasion anamorfica.
Wikimedia Commons el detien imàjini o altri file so 1080i
