El agneło d'Alpago el vien da ła rasa de ła piegora alpagota (autoctona, vałe a dire originaria) del Alpago (provinça de Bełun), dove che ła vien slevà par la carne. ła xe na piegora col peło fiso,fin e a onde, sensa corni, co rece pitosto picołe e co mace scure su ła suca e su łe sate. Sti agnełi qua i li ciama monghe.

Infobox de Gastronomia Agneło d'Alpago
SorteEror cat.: (Istrusion)
Stato de orìzeneItàlia Cànbia el vałor in Wikidata
Invension}


ła foresta del Cansiglio in Alpago: i prà dove va magnare łe piegore alpagote

Sto agneło, par ła so carne ténara e piena de saor, el xe considerà na speciałità agroałimentare del Veneto e par questo el xe anca un Presidio Slow food.

Agneło d'Alpago in tecia canbia

Par 4 persone ghe vol:

  • 8 toki de agneło col oso da ła parte davanti
  • ojo de ołiva veneto extra vergine
  • Na s-cincia de sałe e de pevare
  • 1 cuciarin de concentrato de pomodoro
  • 1 rameto de rosmarin
  • 1 spigoło de ajo
  • 500 cl de brodo de carne

Se mete ła carne a cuxinare drento na farsora col ojo finke no ła xe beła roxołà. Dopo se ciapa ła carne e ła se mete inte na tecia pirofiła o de crepa. Se ghe xonta sałe, pevare,ojo, el pomodoro,'l ajo, el rosmarin e se coverxe tuto col brodo: Sarar ben el covercio. Cuxinare a cotura mèdia par 45 minuti. A ła fin controłar ła cotura e pasar ła carne inte n'altra farsora e versarghe sora el liquido de cotura filtrà par un criveło. A sto punto se porta a fogo vivo finkè el liquido no'l diventa fiso come na salsa. Se giusta de sałe e pevare.

Se pol servire co połenta e radicio de Trevixo. Keno che va ben insieme: Cabernet o Roso riserva de Breganze.

Linganbi foresti canbia


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Agneło_d%27Alpago&oldid=1162099"