Avatar (film)
Avatar el ze on film del 2009 scrito, direto e co-montà da James Cameron e interpretà da Sam Worthington, Stephen Lang, Zoe Saldana, Sigourney Weaver, Giovanni Ribisi e Michelle Rodriguez.
.jpg){kind=avatar}
Co na previzion de costo de pì o manco de 237 miłiuni de dòłari, Avatar el gà fato sù cuazi 2,8 miłiardi de dòłari in tuto el mondo, e'l ze deventà el film che el ga incasà de pì inte ła storia del sìnema. El ze stà distribuìo inte i sìnema de tuto el mondo tra el 16 e'l 18 desenbre del 2009 (l'Itałia e ła Zvìsera Itałiana, dove che l'é ndà fora el 15 de genaro del 2010, i ze stà i penùltemi Paezi al mondo dove che el ze stà distribuìo, par colpa de un bel po' de concorensa sinematogràfega inte el parìodo de Nadałe). El film el ze stà projetà col tradisionałe formato 2D, ma el ga visto anca na gran difuzion in 3D e in 3D IMAX.
Cameron steso, gran sostenidor del 3D come futuro del sìnema, el ga dito che A se gavarìa na esperiensa pì conpleta vardando Avatar in tre dimension, parché el ło ga pensà proprio par vardarlo in chel modo. Avatar oltrapì el ze el primo film a doparar el łogo novo de ła 20th Century Fox, che el ze animà da i Blue Sky Studios (che i ze stà i creadori de L'era glaciale).
El film el ga vinto tre Premi Oscar 2010: par ła mejo fotografìa, la mejo senografìa e i mejo efeti spesiałi.
Wikimedia Commons el detien imàjini o altri file so Avatar
el detien schemi gràfeghi so
| Controło de autorità | VIAF (EN) 185867162 · LCCN (EN) n2009030834 · GND (DE) 7684937-5 · BNF (FR) cb16170438d (data) · WorldCat Identities (EN) n2009-030834 |
|---|