L'Avento (dal lat. Adventus = "arivo"[1]) xe - inte ła Ceza cristiana - el periodo de preparasion al Nadałe: inte ła Ceza oçidentałe el segna l'inisio de l'ano eclexiastico[1] el dura da ła prima doménega pì viçina al 30 de novenbre (dì de Sant'Andrea)[1] fin a ła Vigilia de Nadałe esluxa, mentre inte ła Ceza orientałe el scumisia el 15 de novenbre[1].

Łe cuatro setimane de durada de l'Avento łe sinbołeja forse łe cuatro volte inte łe cuałe se manifesta Gexù Cristo: ła prima volta come omo in carne e osa, ła seconda inte i cori dei fedełi, ła tersa dopo ła morte e ła cuarta inte el dì del Giudisio.[2]

StoriaCànbia

El periodo de Avento el xe stà introdoto inte el IV secoło.[1]

In Gallia, inte el V secoło, el gera un periodo de penitensa, che consisteva in tre dì de digiuno a setimana.[1]

Inte el XIII secoło, l'Avento richiedeva invese un periodo de digiuno e de astinensa de cuatro setimane.[1]

Tradision popołariCànbia

Całendario de l'AventoCànbia

Tra łe tradision popołari de l'Avento, ghe xe el całendario de l'Avento, na tradision che ga 'vudo orixene in Germania inte el 1903 e che consiste in un całendario del mexe de diçenbre co de łe finestrełe da verxere ogni dì.[1]

Ghirlanda de l'AventoCànbia

Senpre da ła Germania vien ła tradision de ła ghirlanda de l'Avento, na ghirlanda co rami de senpreverdi e co de łe luci. La so invension se deve a Johann Heinrich Wichern e ła risałe al 1833.[3]

CantiCànbia

El periodo de l'Avento ga ispirà i seguenti canti natałisi:

NoteCànbia

  1. 1,0 1,1 1,2 1,3 1,4 1,5 1,6 1,7 1,8 cfr. Bowler, Gerry, Dizionario universale del Natale [The World Encyclopedia of Christmas], ed. it. a cura de C. Corvino & E. Petoia, Newton Compton, Roma, 2003, p. 61
  2. cfr. Miles, Clement A., Storia del Natale [Christmas in Ritual and Traditions Christian and Pagan], ed. it. a cura de L. Mazzolini, Odoya, 2010, p. 32
  3. cfr. Bowler, Gerry, op. cit., p. 62
  4. cfr. http://www.volksliederarchiv.de/kinderreime-538.html
  5. cfr. Bowler, Gerry, op. cit., p. 249

Altri projetiCànbia

Controło de autoritàLCCN (ENsh85001060 · GND (DE4000537-9 · BNF (FRcb11933371j (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Avento&oldid=1027293"