La baƗotina xe 'na inbarcasión tìpega de Ɨa Ɨaguna de Venesia.

Se tràta de 'na variànsa de Ɨa gondoƗa, de cui riprende Ɨa strutura ma co' proporsión diverse. Rispeto aƗa gondoƗa tradisional, el scafo xe un fià più streto e più Ɨongo de forma più tonda.

Ɨa propulsión xe a remi, a quatro e sìe remadóri co' poxisión de voga aƗa veneta.

In passà, vegniva uxàda par Ɨa cassa e come inbarcasión de ordene publico par sgonbràr el spasio de aqua in ocaxión de Ɨe regate[1]. El nome riva dal fato che, par tuti i do uxi, vegnivà uxài cofà proietiƗi de Ɨe baƗine (in diaƗeto se ciama baƗote) de xèso e de teracota, sbaràe da pròva par mexo de un arco postataménte modificà[2].

Ɨa baƗotina, che ancùo gà pochi exenplàri, vien desso uxàda nòma che inbarcasión de raprexentansa, in ocaxión de çeƗebrasión, manifestasión o cerimònie[3].

NoteModìfega

  1. (IT) Scheda de Ɨa baƗotina dal sito uficiaƗe de Ɨa Regata Storica
  2. (IT) Definisión de Ɨa baƗotina dal Glossario Voga Veneta
  3. (IT) Scheda de Ɨa baƗotina da ombra.net