Baciato dalla fortuna
Baciato dalla fortuna, el ze un film del 2011 direto da Paolo Costella.
| Paeze |  Itàłia  |
|---|---|
| Ano | 2011 |
| Zènare | film comèdia |
| Ecuìp tècnega | |
| Senejador | Paolo Costella (it)  , Vincenzo Salemme e Massimiliano Bruno (it) |
| Fotografia | Enrico Lucidi |
| Senògrafo | Tonino Zera |
| Costumista | Nicoletta Ercole |
| Trucador | Gino Tamagnini |
| Diretor | Paolo Costella |
| Produtor | Rita Rusić |
| Conpozitor | Pasquale Catalano (it) |
| Atori |
|
| Conpangnia produtora | Arella Film |
| Destribudor |  Medusa Film (it) |
| Łéngua orizenałe | italian |
| Durada dei capìtułi | 100 min |
| Pì informasion | |
| |
Trama canbia
Gaetano el ze un viziłe urban napułitan che se ga trasferìo a Parma, ła so vita ła ze un mucio travajà parchè'l ze costantemente desfito da problemi e'l ze pien de debiti: l'ex mujer Marisa (restada verze par sielta de vita) ła vołe i ałimenti e ła so moroza, Betty, na beła e intraprendente coga, ła ło tradise col so Silvano. Sto ùltemo, drìoman, el ze cotołon che no'l ezita a tradir Betty co altre done, tra cui anca ła mujer de nantro cołega, Nicola.
Nonostante tuto, no'l renonsia a zogar al SuperEnalotto, co ła conbinasion che zogava senpre so nono: 10, 20, 30, 40, 50, 60. Tra i amighi di Gaetano ghe ze parò anca nantra dona, ła psicanałista Grazia Tirelli, da senpre inamorada de łu che, propio par cuesto, ghe chiede de èsar el so primo pasiente.
Propio el dì de ła sentada, parò, Gaetano no'l riese a zogar ła schedina (el barista del bar indove ch'el fa łe so zogade el sera ła sarasinesca nonostante ło veda rivar corendo) e, poco dopo, vien fora i so nùmari. El viziłe sbazise ciapando na bota in testa e, parà via da l'ospeałe pochi dì drioman, el ga ła conferma che ze stai efetivamente vinsesti 120 miłion de Euro a Parma.
Tuti i crede, razonevolmente, che el vensidor el sipie Gaetano che, par cuesto, el se dà a ła mata zogia anca par sfogar ła so ansa; sta ùltema ła ze conseguensa no soło del fato de no èsar łu e de no saver chi che sia el vero vinsidor, ma anca dei continui tartasamenti subìi, drio ła prezunta piciada, da parte de ła moroza, che ła vol spozarlo par robarghe i schei e scanpar co Silvano, e de Marisa che, pur de aver i ałimenti, scuazi ła renonsia a ła verzinità bazandoło so ła boca durante na vizita al simitero.
Par fortuna Betty, dopo aver metùo a tàzer Marisa, ła tardiga a spozar Gaetano parché ła ze oramai stufa che Silvano continue a tradirla e ła juta Grazia a ipnotizar Gaetano par convinsarlo che el vinsidor el ze stà łu e farlo un poco chietar: A ze cusì che ła psicanałista ła dichiara l'amor sinçèro a Gaetano e ła ghe chiede de spozarlo.
El viziłe, pur descoerzendo che ła vinsidora ze Grazia (el cata el bilieto drio de un retrato de Freud picà inte el studio de èła) el aseta sensa revełarghe ła descoèrta. Contenporaneamente, Betty, ła deside de darghe fiducia a Silvano dichiarando che no ghe inporta pì dei schei ma solchè łu no'l ła tradisa, e ła ghe inpromete de far artanto. Al tandem (a ła fin) ghe ze un dopio matrimonio e Gaetano descoerze che ła mujer ła ga donà scuazi tuta ła vinsida ad amighi e parenti, nonché in benefiçensa.
Distribusion canbia
El film ze usio inte łe sałe el 30 de setenbre 2011.
Voxe corełade canbia
Linganbi foresti canbia
- (EN) Baciato dalla fortunaInternet Movie Database, IMDb.com.
- (EN, ES) Baciato dalla fortunaFilmAffinity.
