Bazéłega dei Santi Fiłipo e Jàcomo

	Bazéłega dei Santi Filipo e Giacomo
	La faciada de ła Bazéłega
Dati
Sorte	Basilica minore (it)
Architeto	Joseph Promperg
Costrusion	1769
Dedicà a	Fiłipo apòstoło
Caraterìsteghe
Stiłe architetònego	architettura barocca (it)
Pozision
Stato	ITA
	Cortina
	46°32′14.78″N 12°08′11.51″E
Atività
Diòseze	diòseze de Bełun-Feltre
Rełijon	catołicismo
Ligo web	parrocchiacortina.it

La bazéłega dei Santi Filipo e Jacomo, in memòria dei apòstołi Fiłipo e Jàcomo, patroni de Cortina, ła ze ła sede de l'omònema paròchia apartegnente a ła diòseze de Bełun-Feltre.

Storia

Pozisionada pròpio inte el sentro del paeze, sarada intrà el sèłebre Corso Italia (verso drita) e Via del Marcà (verso sanca), ła ze stada costruia intrà el 1769 e el 1775 sol posto inte el cual łe zera za vegneste sù do presedenti ceze del XIII e del XVI secolo.

Descrision

Conponesto de un'ùgnoła navada, l'interno el spécia el tìpego gusto del setezento, ełegante e rico, rezaltante ma sensa i ecediminti del Baroco, co nice poco fonde e un grando presbitèrio lumenà da do finestroni retangołari. Le decorasion de ła navada łe ze stae realizade intrà el 1774 e el 1775 dal pitore tirolezo Franz Anton Zeiller, mentre i sicli pitòreghi del sofito i ze òpara da l'anpesan Juzepe Ghedina (1859). Degni de èsar notai el ze anca un altare de Andrea Brustołon e na teła del pitor de l'otozento anpesan Luiji Giłardusi. Łe ze in pì conservae łe spoje atribuie a ^{[ciarimento dimandà]}

e a san Teòfiło. La ceza ła ze stada insignia de ła dignità de bazéłega menore el 7 de genaro 2011.

^{[Fonte nesesària]}

Organo a cane

L'inponente organo visto da ła navata

El strumento el ze sta costruio da ła dita Mauracher de Linz e inaugurà el 31 de otobre del 1954. Inte el 2002 ze sta ojeto de un inportante intervento de restaurasion, fato da l'organaro Andrea Zeni, che el ga conportà anca el reordenamento e l'integrasion de ła conpozision fònega drio el projeto del maestro Francesco Finoti.

Si parla parò solché de l'ùltemo òrgano de ła ceza anpesana, almanco cuatro strumenti i ło ga de fati precedesto: cheło atestà da un documento del 1561 (Vicenso Cołonbo?); cueło costruio inte el 1703 da Franz Kecht, organaro de Bresanon; cheło vegnesto fora da ła botega venesiana de Gaetano Całido inte el 1777, del cualo ghe se conserva oncora ła tastiera e racuante cane; e inte ła fin el strumento fato inte el 1885 da ła dita "Zachistal & Capek" de Krems.

L'organo el ze a trasmision ełètrega co na faciada dividesta in trè canpae, respetivamente de 10 – 22 – 10 cane, cołocà so ła granda cantòria ponesta sora de l’ingreso prinsipale. El strumento el ga bel-che 3078 cane, e ła console ła ze destacada dal corpo del strumento, co trè tastiere de 58 botoni (Do1 / La5) e na pedaliera de 30 botoni (Do1 / Fa3). I rezistri i ze comandai da plachete disponeste su do file sora el terso manuałe.^[1]

Canpanile

El conosesto canpanile (el cianpanin) de ła bazéłega, divegnesto un sinbolo inconfondìbiłe de Cortina, el ze sta traesto-sù da l'architeto cortinezo Silvestro Franceschi intrà el 1852 e el 1858 al posto de na vècia tore campanària del tardo sincuesento. El se ełeva in altura par 65.8 metri, inte un stile sòbrio, ełegante e maestà che, cofà che i dize i cortinezi, no el ze "ni tirołezo, ni cadorin".

Racuante fonte łe reporta na altesa erada de 73 metri, informasion che invese ła vien smentia anca dal sito ufisale de ła paròchia.

Inte el campaniłe łe ze pozisionae łe seventi canpane, forse dal noto fonditor Grasmayr de Innsbruck, ełetrifegae a tirada tirołeza:

Fa4

120 kg

Re4 192 kg
Sib3 361 kg
Fa3 860 kg
Re3 1 455 kg
Sib2 3 074 kg, detta el Cianpanon in Diałeto anpesan, ła sona solchéo ogni venerdì a łe 3:00 dopo mezodì, in memòria de ła morte de Jezù Cristo, e in ocazion de łe feste prinsipali.

Oltre a łe sie prinsipali, el campaniłe el detien altre trè campane:

la Canpana de l'agonia (Cianpana de r'agonia) da ła Ceza de Santa Catarina, cusita ciamada parché sonada in ocazion dei funarałi drio règole fise (trè sèrie da sento rinpichi, o bote, par i ómani, do par łe done, una par i putełeti)
la Canpana de l'rełojo (Cianpana de 'l arloio), fisa
la Canpana del vardafogo (Cianpana de 'l vardafó), fora dal campanile, che fin al 1910 sirca łe servia al vardafogo par avizar de un inséndio a ła zente.

Note

↑ AA. VV., Organi Storici in Cadore - XXV edizione, Pieve di Cadore, Associazione Organi Storici in Cadore - Dolomiti, 2018, p. 65.

El sofito de ła bazéłega

Bibliografia

AA. VV., Pietre Vive, Edizioni La Cooperativa di Cortina, Cortina d'Ampezzo, 2011.
Karl Wolfsgruber, La Chiesa Parrocchiale dei SS. Filippo e Giacomo di Cortina d'Ampezzo, Foto Ghedina, Cortina d'Ampezzo, 1975.
Mario Ferruccio Belli, El ciampanin, Edizioni La Cooperativa di Cortina, Cortina d'Ampezzo, 2009

Voze corelae

Altri projeti

Wikimedia Commons el detien imàjini o altri file so Bazéłega dei Santi Fiłipo e Jàcomo
Scholia el detien schemi gràfeghi so Bazéłega dei Santi Fiłipo e Jàcomo

Linganbi foresti

Sito ufisałeparrocchiacortina.it.

[1] AA. VV., Organi Storici in Cadore - XXV edizione, Pieve di Cadore, Associazione Organi Storici in Cadore - Dolomiti, 2018, p. 65.

[1]