Verxi el menu prinsipałe

Giuseppe (Bepi) De Marzi (Castello d'Arzignan, in provincia de Vicensa, 1935) el xe on compoxidor, organista e diretor de coro veneto.

BiografiaModìfega

Dopo averse diplomà in organo, compoxision organistica, pianoforte, diresion e compoxision el se ga dedicà ała musega da camara e al baso continuo diventando dal 1978 fin al 1998 ł'organista e clavicembałista, nonché vicediretore, dei Sołisti Veneti direti da Claudio Scimone.

El xe considerà uno dei pì rilevanti compoxidori itałiani 'nte ł'anbito del canto d'autore de ispirasion popołare. Soe łe xe paxene memorabili come Signore delle cime, de cui De Marzi l'a scrito el testo e la musica nel 1958 par comemorar la morte de un so amico ciamà Bepi Bertagnoli, oltre a Sanmatio, Benia Calastoria, Improvviso, Porta Calavena trate da poexie i cui testi, a volte bucołeghi a volte semplicemente arcaisanti, i incontra 'na tesitura compoxitiva armonico-mełodica a volte de natura strumentałe (organistico-sembałistega) e che con Il Golico, L'ultima notte, Nikolajewka i ripercore ł'epopea dei alpini in Grecia e in Rusia. Ła so muxega, par quanto compoxitivamente e struturalmente semplice e łineare, no ła xe senpre de faxiłe intonasion par ła presensa difuxa de intervałi de tersa (majore e minore) e de alterasion modulanti.

El xe diretor del coro maschiłe "I Crodaioli" da łu fondà 'ntel 1958, col quałe el ga tegnù oltre 2500 concerti in ogni parte del mondo. Co i Crodaiołi el ga reałisà 9 incixion par ła Carosello de Milàn, e publicà oltre sentosinquanta canti novi par łe Edision Curci.