Bertrand Gachot

Bertrand Gachot (Lussemburgo, 23 de disenbre 1962) xè on ex pilota automobilistego belga.

Bertrand Gachot
Belgio
Cariera in Formula 1
Stagioni	1989-1992, 1994-1995
Scuderie	Onyx, Rial, Coloni, Jordan, Lola, Venturi Larrousse, Pacific
Risultato mejo	13° (1991)
GP disputà	47
GP vinti	0
Pole-position	0

Statistiche
Sircuiti \| Fornitori \| Gran Premi \| Persone \| Piloti \| Scuderie \| Stagioni \| Machine
Tute łe voxe su ła Formula 1

Bon piloa de Formula 1 nao en Lussemburgo da pare fransese e madre todesca, ma de nasionalità belga (e par sto motivo europeista convinto), che parò gha visto roinar la so cariera a causa de 'na banal lite 'ntel trafico de Londra con on taxista. I molti mesi de prigion en Inghilterra ghe causa la perdita del posto en Jordan, che el sostituirà col debutante Michael Schumacher.

Bertrand Gachot xè stà on bon piloa de Formula Un, in atività tra el 1989 e el 1995. Al termine dela stagion 1990, el costrutor Eddie Jordan, noto ai apasionadi par la partesipaxion dei soi team ale Formule minori, el anunsia de voler prendar parte ala suxesiva stagion dela masima serie con 'na vetura de so costrusion. A pilotarla sei ciamai el roman Andrea De Cesaris e el belga Bertrand Gachot. Gachot ghavea debut do ani prima col team Onyx del'ecentrico miiardario Jean Pierre Van Rossem. Gachot e De Cesaris i scominsia a otegner discreti risultai a bordo dela sorprendente Jordan 191, fin al clamoroso aresto del belga. Durante 'na lite con on taxista 'ntel sentro de Londra, el piloa par difenderse el spruxa on spray urtegante acquistà en Xermania sui oci del malcapità aversario, ed essendo la bonboleta ilegal en Inghiltera (la vien equiparaa a 'n'arma) el vien imediatamente arestà. Da lì scominsia el so calvario. Pensando de caarsela con 'na multa, Bertrand ghà sotostimà la gravità del reato, cussita la so detenxion la se prolunga par mesi, e solo dopo 'na longa bataja legal, con petisioni dei soi coleghi ed interogasioni al Parlamento Europeo el otegne de novo la libertà.

La so cariera la xè parò ormai definitivamente conpromexa. A sostituirlo sula Jordan el vien ciamado el ventiduene todesco Michael Schumacher, che el vegnea dala categoria Sport Prototipi.

'Ntel 1994 el otegne 'na posibilità de corer de novo en Formula 1, quando el vien ingagià dal neonà team Pacific Racing come prima guida al fianco de Paul Belmondo. Ma la mancansa de conpetitivetà dela vetura non ghe permete quatro qualificasioni, che le porta tute a ritiri. El finirà par ritirarse l'ano dopo, 'ntel 1995, insieme al team de apartenensa, senpre la Pacific, che 'ntel fratenpo ghavea avù 'na insanabil crisi finansiaria.

Oltre che 'n Formula 1 Gachot gha corso anca 'ntela 24 Ore de Le Mans, vinsendola 'ntel 1991 ala guida de 'na Mazda.

Year	Team	1	2	3	4	5	6	7	8	9	10	11	12	13	14	15	16	17	Team	WDC	Points
1989	Onyx	BRA DNPQ	SMR DNPQ	MON DNPQ	MEX DNPQ	USA DNPQ	CAN DNPQ	FRA 13	GBR 12	GER DNQ	HUN Ret	BEL Ret	ITA Ret	POR	ESP	JPN DNQ	AUS DNQ		Rial	N/A	0
1990	Coloni	USA DNPQ	BRA DNPQ	SMR DNPQ	MON DNPQ	CAN DNPQ	MEX DNPQ	FRA DNPQ	GBR DNPQ	GER DNPQ	HUN DNPQ	BEL DNQ	ITA DNQ	POR DNQ	ESP DNQ	JPN DNQ	AUS DNQ		Coloni	N/A	0
1991	Jordan	USA 10	BRA 13	SMR Ret	MON 8	CAN 5	MEX Ret	FRA Ret	GBR 6	GER 6	HUN 9	BEL	ITA	POR	ESP	JPN	AUS DNQ		Larrousse	=12th	4
1992	Larrousse	RSA Ret	MEX 11	BRA Ret	ESP Ret	SMR Ret	MON 6	CAN DSQ	FRA Ret	GBR Ret	GER 14	HUN Ret	BEL 18	ITA Ret	POR Ret	JPN Ret	AUS Ret		Larrousse	=17th	1
1994	Pacific	BRA Ret	PAC DNQ	SMR Ret	MON Ret	ESP Ret	CAN Ret	FRA DNQ	GBR DNQ	GER DNQ	HUN DNQ	BEL DNQ	ITA DNQ	POR DNQ	EUR DNQ	JPN DNQ	AUS DNQ		Pacific	N/A	0
1995	Pacific	BRA Ret	ARG Ret	SMR Ret	ESP Ret	MON Ret	CAN Ret	FRA Ret	GBR 12	GER	HUN	BEL	ITA	POR	EUR	PAC Ret	JPN Ret	AUS 8	Pacific	N/A	0

Wikimedia Commons el detien imàjini o altri file so Bertrand Gachot