Bira

Ła bira ła xe una de łe bevande alcołiche piesè bevùe e piesè vece del mondo. Ła vien prodota atraverso ła fermentasion de sùcari derivè da sostanse a baxe de amido, tra cui queła piesè doparà ła xe el malto d'orzo.

Un bocal de bira

I vari tipi de bire i se pol dividar in do grande fameje, clasificandołi in baxe al lievito doparà (e che xe responsabiłe de ła fermentasion):

• lievito a fermentasion alta (Top-Fermenting Yeast) come el Saccharomyces cerevisiae (e i so ceppi) che el vol temperature alte e durante el proceso el va su in superficie del tino de fermentasion. Łe bire otegnùe in sta maniera łe vien genericamente ciamè ale.
• lievito a fermentasion basa (Bottom-Fermenting Yeast) come el Saccharomyces carlsbergensis (e i so ceppi) che invese el vol temperature piesè base e durante el proceso el se posta sul fondo del tino. Łe bire otegnùe cosita łe vien genericamente ciamè lager (che deriva dal verbo tedesco che significa “tegner da conto”, “conservar”, inte el caxo de ła bira “al fresco”).

Ghe xe anca de łe bire a fermentasion spontanea, ciamae Lambic, che łe vien prodote soło che inte na rejon del Belzo grasie al espoxision a de i lieviti selvadeghi (i se trova inte el anbiente, no i vien xontai in faxe de produsion).

Altri progetti

• Wikimedia Commons

• Wikimedia Commons el detien imàjini o altri file so bira