Bitcoin
El Bitcoin (sìnboło: ₿, còdaze: BTC o XBT) el ze na criptovałuta e un sistema de pagamento mondiałe creà inte el 2009 da un anònemo inventor (o grupo de inventori), pùblego col pseudònemo de Satoshi Nakamoto, che el ghea desvilupà na so pròpia idea prezentada su Internet inte el finir del 2008.[1]
  | |
 | |
| Version de scumìsio | 2008 - 2009 |
|---|---|
| Criptònemo | ₿ o BTC o XBT |
| Stato atuałe | ativo |
| Tipo | moneda, moneda ełetrònega, criptovałuta |
| Epònemo | bit (it)  e scheo |
| Caratarìsteghe tècneghe | |
| Sistema operativo | windows, linux, macOS |
| Scuadra | |
| Creatore | Satoshi Nakamoto (creatore) Wladimir van der Laan |
| Desviłupator | Satoshi Nakamoto (it) |
|
| |
Par convension se el tèrmeno Bitcoin el ze doparà co ła vocałe majùscoła rifaréndose a ła tecnołozia e a ła rete, co ła vocałe menùscoła (bitcoin) se se refarise a ła vałuta.[2]
Par i esperti de finansa el Bitcoin no el vien clasìfegà cofà na moneta, ma cofà che na reserva de vałore atualmente racuanto vołàtiła[3].
Difarentemente de ła major parte de łe valute tradisionali, el Bitcoin no el fa dòparo de un ente sentrale e gnanca de mecanismi finansiari conplesi, el valore de fati el ze determenà ùgnołamente da ła leva domanda e oferta[4]: el vien doparà un database distribuio intrà i nodi de ła rete che i tien trasa de łe tranzasion, ma sfrutando ła critografia par zestionàrghene ła funsionałità, cofà chełe de zenerasion de nova moneda e l'atribusion de ła propietà dei bitcoin.[5]
La rete Bitcoin ła consente el posedimento e el trasferimento pseudo-anònemo de łe monede; i dati nesesari par doparare i propi bitcoin i połe èsare salvai su uno o pì personal computer o dispositivi ełetròneghi cofà tełefoni intełijenti, soto forma de "portafojo" dizitałe, o mantegnesti arente terse parti che łe detien funsion simiłari a chełe de na banca.
El wallet bitcoin el ga un inderiso identìfegà da un còdaze alfanumèrego che el detien intrà i 25 e i 36 caràteri intrà nùmari e létare; el ze l'ùgnoło dato da comunegare par resévare un pagamento che el godarà de un serto grado de anonemato, ma el sarà inte el isteso tenpo publegamente e inmudabilmente vardàbiłe inte ła blockchain par senpre.
Core fare tanta atension inte ła trasmision del còdaze alfanumèrego, parché pusìbiłi erori no i consente de descansełar l'oparasion in corso, divegnendo potensialmente colpévoło de ła perdesta dei schei.
Ze pusìbiłe risévar pagaminti pì senplegamente traerso ła scansion de còdezi QR.[6] In ogni cazo, i bitcoin i połe èsare trasferii traverso Internet verso calsasi el gàpia dispunìbiłe un "inderiso bitcoin".
La strutura peer-to-peer (Conpagno a conpagno) de ła rete Bitcoin e ła mancansa de un ente sentrale el fa inpusìbile a calsiasi autorità, goernativa o no, el bloco dei trasferiminti, el secuestro de bitcoin sensa el posedimento de łe ciave rełasionae o ła svałutasion gavesta par via de ła imision de nova moneta inte i sìrcułi.
El Bitcoin el ze una de łe prime inplementasion de un conceto definio cofà che criptovaluta, descrivesto par ła prima volta inte el 1998 da Wei Dai inte na mailing list.[7]
Notasion canbia
- ↑ A History of Bitcoin. Social Science Research Network (SSRN), (EN) .
- ↑ Bustillos, Maria, The Bitcoin BoomThe New Yorker, Condé Nast, 4/2/13. entrada il 22 dicembre 2013.
«"...there seems to be a consensus forming around Bitcoin, capitalized, for the system, the software, and the network it runs on, and bitcoin, lowercase, for the currency itself"». - ↑ Bitcoin, ecco perché non è una moneta.
- ↑ Tommaso Pellizzari e Massimo Morini, Il boom di Bitcoin non è per tuttiil Sole 24 ORE. entrada il 2 dicembre 2017.
- ↑ Cryptocurrencies: A Brief Thematic Review. Social Science Research Network (SSRN) (EN) .
- ↑ Criptomane.com, Come funziona la criptovaluta Bitcoincriptomane.com, 28 maggio 2018. entrada il 21 settembre 2020.
- ↑ Copia archiviata (TXT)weidai.com. entrada il 21 aprile 2011 (archivià dal URL orizenałe il 25 agosto 2012).
Altri projeti canbia
Wikimedia Commons el detien imàjini o altri file so bitcoin
Linganbi foresti canbia
- Sito ufisałebitcoin.org.
- (EN) Erik Gregersen, BitcoinEnçiclopedia Britannica, Encyclopædia Britannica, Inc.
| Controło de autorità | LCCN (EN) sh2015000075 · GND (DE) 1041888279 · BNF (FR) cb16732034m (data) · BNE (ES) XX5395494 (data) |
|---|