Bonba atòmega

La bonba atòmega (ciamada anca "bonba A" drio na termenołozia dezoparada, o talvolta denomenada col nome inpropio "bonba nucleare") el ze el nome col cuało ła vien normalmente denomenada ła bonba a fision nucleare. Se ze drio parlar de un ordegno esplozivo partegnente al grupo de łe armi nucleari, che ła ga ła enerzia che ła ze intieramente produzesta da na reasion a caena de fision nucleare. El tèrmano el vien doparà normalmente anca par denomenar łe arme termonucleari, in cuanto ste cuà łe forma cuazi intieramente i arsenałi nucleari de oncó.

El fongo atòmego, cauzà da "Fat Man" su Nagasaki, el riva ai 1,8 km de altesa, inte el 9 de agosto del 1945

El funsionamento de sti ordigni i se baza su ła reasion de fision nucleare, un procedimento de divizion del nùcleo atòmego, che el sucede inte un ełemento pezante dizesto fìsiłe, in du o pì nùclei de masa inferiora, de sevente da ła cołizion co un neutron lìbaro. La rotura del nùcleo ła produze a so volta, oltre che ełementi pì lejeri, anca racuanti pòsteri neutroni lìbari, oltre che na cuantità tanto signifegadiva de enerzia. Se el materiałe fisiłe el ga un grado de consentrasion sufisente e el ze in na masa suficentemente granda, dizesta "masa crìtega", i neutroni lìbari produzesti a so volta i ze boni de colpir novi nùclei de ełemento fisiłe, produzindo na reasion a caena incontrołada che ła se propaga par tuta ła masa de materiałe libarando na granda cuantità de enerzia inte un tenpo stra-curto.

La bonba atòmega ła ze un'arma de desfamento de masa, de ła cuałe ła comunità internasionałe ła ghene lìmita e sansiona ła produsion par el mezo del Tratà de no prołiferasion nucleare.

NotasionCànbia

Altri projetiCànbia

Linganbi forestiCànbia


Controło de autoritàLCCN (ENsh85009310 · GND (DE4399895-1 · BNF (FRcb11958006w (data) · NDL (ENJA00562369
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Bonba_atòmega&oldid=1085805"