Bragagna
Ła bragagna xe na inbarcasión tìpega de ła łaguna de Venesia.
| Tipo | Inbarcasion venesiane  |
|---|
El termine bragagna indica anca un tipo particołar de réde da pesca e infati sto tipo de inbarcasión gera destinà proprio par sto fin. Se tràta de un natante de gròse dimensión, łóngo sirca tredexe metri e łargo squaxi do, a propulsión mista, a remi par el movimento a veła par ła fase de pesca, caraterixà da ła prexensa de ben tre àlbori co tre anpie vełe retangołari, caxo unico par quanto riguarda łe inbarcasión łagunari[1].
Ła tecnica de pesca gera del tipo a scarroccio (stràsino łateràn): spènta dal vento, ła bragagna strapega ł'omonima réde, fisàda al scafo a pròva e pòpe tramite do pèrteghe e col lai verto revolto verso łe mure[1]. Łe vełe gera orientàe perpendicolarmente al vento par otegnìr ła mùansa łateràna necesaria parché i pessi vegnisse ciapài.
Xe dal 1800 che sto tipo de inbarcasión no se uxa più.
Note canbia
- Descrisión de ła bragagna da veniceboats.com