El Burcio (o burchio in itałian) xe na gròsa inbarcasión da cargo in uxo ne ła łaguna de Venesia.

Se tràta de un bateło de grande dimensión dal fondo piato par poder navegar agilmente nei basi fondałi de ła łaguna. Reałixà tradisionalmente in legno, prexénta 'na łonghésa variabiłe intra i 20 e 35 metri co' un pescàr masimo de do metri.[1]

Xe indotà de do albari, uno a pròva e l'altro a pòpe, co' veładura al terso e manùvra tramite un timón a bara situà al sentro de pòpe.

La pròva prexénta 'na carateristega forma a pónta rialsàda.[2]


I bordi xe disposti squasi perpendicołari al fondo par far creser ła capasità del cargo.

Xe caraterixà da un ponte co' 'na anpia bocapòrta sentral par l'aceso de łe do stive.

Par secołi xe stàda l'inbarcasión de strapòrto mercansìe più utiłixàda par el tràfego fluvial e łagunar. Oltre ała propulsión a veła, el xe spénto da remi a gròse pèrteghe. In pasà el gera anca tirà da vèrle o sóghe nei trati fluviałi apoxitamente indotài.

I modełi più recenti xe reałixài in metało e spénti da motóri diexel.

NoteModìfega

  1. (IT) Descrisión del burcio da veniceboats.com
  2. (IT) Dexégno de un burcio da veniceboats.com