El caìcio xe 'na inbarcasión picenina a do remi, co' capiensa de quatro o sinque parsone, che se uxa 'nteła łaguna de Venesia.

De dimensión un mucio contegnùe e da ła forma a sguso de nóxa, a cołonba carosàda e non piata, vegnìva utiłixàda par atività de cassa e pesca łagunar ne łe xone de maxór fondità. A diferensa de squaxi tute łe altre inbarcasión in uxo 'nteła łaguna veneta, ła poxisión de vòga, a do remi, xe sentàda, co'ła schina revòlta verso ła pròva[1].

Su alcuni modełi, xe prevista anca ła posibiłità de utiłixàr 'na propulsión auxiłiaria a veła, co' 'na randa e un fiòco e 'na darìva mobiłe.

Xe asàe probabiłe ch'el nome deriva dal caicco (caìcio) turco anca se sta qua gera 'na inbarcasión de dimensión decixamente maxóri.

NoteCànbia

  • Descrision del caìcio da venicexplorer
  • Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Caìcio&oldid=854232"