Cafè Pedrocchi

Lo storego Cafè Pedrocchi de Padoa

El Cafè Pedrocchi el xé uno dei pì grandi e famoxi cafè del mondo. El xé situà nel pieno çentro de Padoa, en via VIII Febbraio n° 15.

Proxetà dal'architéto Jappelli, el se compòn de dò piani: el piantereno, inaugurà nel 1831, el ospita łe sałe par i aventori, el bancòn, i laboratori e la coçina. El piano nobiłe el ospita enveçe alcune bełe sałe (sała Rosini, sała egizia) che xé atualmente utiłizà par mostre e espoxissioni tenporanee.

L'inportansa stòrega del logałe xé anca data dal fato che l'8 de febraro 1848, el ferimento al so enterno de un studente universitario el gà dato el via ad alcuni moti caraterizzanti el Risorgimento tałiàn e che i xé ancora deso ricordài nel'ino ofiçiàl universitario, Di canti di gioia.

Prèso el piàn nobiłe de ła costrussiòn xe situà el Muxèo del Risorgimento e dell'età contenporanea, dove i xé conservai tra i altri i ritràti del fondadòr Antonio Pedrocchi e del so sucesòr Domenico Cappellato Pedrocchi, tuti do opera de Achille Astolfi.

El Cafè xé noto anca col nome de "Cafè Sensa Porte" parché ai tenpi d'oro, fin al'avento de ła Prima Guera Mondial el jèra verto jorno e note.

Controło de autoritàVIAF (EN154778784 · ISNI (EN0000 0001 1018 4016 · LCCN (ENn81057627 · WorldCat Identities (ENn81-057627
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cafè_Pedrocchi&oldid=849588"