Campigo ze na frasion de Castèło. L' ze poco abità mal se ga sviupà col tempo. L' ze visin a Resana, a Salvatronda, a Salvarosa e al Borgo Padova, borgo de Casteo. El confin co casteo zè dato dal pasajo a liveo de Via Larga. Citazion de alcune vie: Via Lovara, Via Interna (dove che gè ze a ciesa), Via Panni, Via Brolo, Via Loreggia di Campigo, Via Alture, Via Moretto, Via Borsellino, via Resana...

Campigo l'è diviso in quatro contrade: Contrada del Monte Grapa (i azuri), del Capiteo (i rosi), dea Madona dea Salute (i zai), dea Santa Lucia (i verdi). Fin a un pochi da ani fa ghe jera el Palio dee Contrade, na manifestazion stra bea, ma l'è stà cavà da poco. Ge zera a cuccagna, el cruciverba pai zovani,a corsa coe carioe, ecc. Campigo el ga poco pì de 1 000 abitanti, ma inte el tempo el ga avuo na esplosin demografica imensa. L'è un borgo che ga na origine tanto antica e a sò etimologia a zè "Campi Vicus", o sia villaggio dei campi. Stà affermazion ze vera parchè sto borgo l'è e l'è stà sempre basa sol lavoro dei campi e solò agricoltura. A ciesa a zè dedicada a S. Lucia e a zè stata pena restaurada. A Campigo ghe ze un Centro culturale "e scoe vecie" sede dea Associazion Frazionale, un bel asio pai toseti, na scoea elementare co na clase par anno ma che i sè drio ampliar, el Centro Parrochiale, dei primi anni 2000, tanto beo. Ghè ze anca un campo sportivo, intotea a Sergio Baggio, un zovane de Campigo morto anni fa. Se stada rifatta anca a Piaza de Campigo , intotolata al prete vecio D. Rizieri.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Campigo&oldid=1054108"