Citrullus lanatus

L'angùria ła xe na pianta de ła fameja de łe Cucurbitaceae, inteła orìxene provegnente da ła Africa tropicałe.

EtimołoxiaCànbia

El nom anguria el vien dal greco tardo ἀγγούριον (angoúrion, che vol dir cocumaro salvarego), rivà co i gran raporti che gavea ła Republica de Venesia e l'Inpero Bixantin, che gavea ła łéngoa greca cofà prima łengoa.[1]

Carataristeghe botanegheCànbia

L'anguria ła xe na pianta anuał, con fusto erbaçeo rampicante, folie grandi et pełose, con tre lobi, fiori maschiłi et fiori feminiłi, fruto de granda stassa tondo od ogivałe. El pol rivar ai 20 kg de massa. El invołucro verde el xe lissio, assai massizzio, et el presenta varie striaùre e tsasse bianche o ʒałastre.

Carateristeghe del frutoCànbia

El fruto el gha un drentro de cołor roßo o ʒało (raramente), pien de semi, che i pol eßar mori, ciari o ʒałi. La polpa xe piena de acqua (pießé del 90 parçento) et el contenù in ʒùcari singołi la rende particołarmente doltse. El contien inoltre un cospìcuo quantitativo de Vitamina A (lipoßołubiłe) e Vitamina C (idroßołubiłe). I cocómari i xe catabiłi taßativamente inteła istadéła, da majo a setenbre.

AversitàCànbia

Tra i bai, el paraßita piessé importante el xe el afide Aphis gossypii. Tra łe małatie da fonghi le ghe xe el oidio (causà da Erysiphe cichoracearum et dal Sphaerotheca fuliginea), la peronospora (causà da Pseudoperonospora cubensis), la mufa griʒʒa (causà da Botrytis cinerea) et el nerume (causà da Alternaria alternata). Tra le micotossine, la ghe xe la patułina.

La compoxission del cocómaroCànbia

Par tsento grami de parte edìbiłe:

La polpa del cocómaro, de cołor rosso et piena de semi, la xe costituìa par oltre el 90 parçento de acua, ma la contien anca un discreto quantitativo de ʒucari, sora tuto frutòsio, et vitamine A, C (8.1 mg), B e B6.

DegustassionCànbia

In Itałia el cocómaro el se magna de norma tajà a fete o in mazzedogna. Intełi paesi tropicałi el se magna speßo tajà a dadeti servì su un vaßojo aßiéme ad altri tipi de fruta, co fà ananas, mango e papaja.

NoteCànbia

  1. http://dizionari.corriere.it/dizionario-si-dice/A/anguria-cocomero.shtml
Controło de autoritàNDL (ENJA00571557
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Citrullus_lanatus&oldid=955976"