Cleptocrazia

Ła Cleptocrazia (dal griègo: κλέπτω "kleptō" (robàr) e κράτος "kratos" (podér), o guèrno del latrosìnio) , ła xe na modałe de guèrno devià che raprexenta ła culminasion de ła corruxion połitega e na forma estrema de uso del guèrno par ła riçerca del profito personałe de chi che ocupa na pòsta de podér.

Óltra che al singoło guernante el pol riferirse a ambiti pì ampi come inte el caso de elite o lobby che se apropria de un toco rispetàbiłe de ła richésa de un Paese doparando giustificasion de vario tipo, ideołozega o rełigiosa par exenpio. Se trata de soçietà grandemente gerarchizàe, in cui ghe xe na casta che detien saldamente el podér e abitualmente pàrtega ła endogamia.