Codaxe sorxente

(Rimando da Codexe sorzente)

In informadega el codaxe sorxente xé la scritura de uno o pì fasili file de testo ASCII, chel serve par programar on lenguajo de programasion, dixendoghe l'algoritmo del programa, tradoto n'tel lenguajo de programasion a la machina.

I programadori no i dopara programi de videoscritura, ma dei editor de testo (come emecs e drief) che invese i da grandi funsion de tratamento dei testi, par sto cuà no xé inportante, a l'inisio, l'aspeto grafego.

Se on serto editor l'è bon de laorare co altri strumenti de laoro (compilatore, linker, interprete e altri.. lexi pì vanti), no se parla de on senplise editor, ma de IDE - Anbiente de xvilupo integrà. Se ga da dire parò, che alguni dei lenguaji de programasion pì novi, i dà el modo de laorare so na forma mista de programasion, o sia se pole scrivar el codaxe sorxente ASCII e se ghe dà anca operasion de programasion vixuale, che co sto cuà, el programadore el pole descrivare alguni aspeti del programa, dixegnando a video traerso el mouse (on programa l'è GUI par dixegnar finestre, menù, e altra roba).

On codaxe sorxente, par esare exeguio dal proçesadore, el ga da esare tradoto in lenguajo machina (che l'è el lenguajo de la machina), e sta rob, la xé posibile solo fata co do tecneghe: la compilasion e l'interpretasion.

El codaxe sorxente el pole esar exeguio pasandoghelo a on interprete chel exeguirà le operasion che ghe xé stae scrite sol codaxe sorxente, che xé la roba normale che capita n'tei lenguaji di scripting; o se no el pol vegner conpilà, o sia tradoto in istrusion de lenguajo machina da on programa conpiladore: El rixultato el xé on file binario 'exeguibile' (codaxe exeguibile) che nol ghe serve nisun altro programa par esar exeguio e l'è anca pì rapido rispeto a on programa interpretà.

In tenpi pasai, la conpilasion la xé sta la norma par tuti i lenguaji de programasion che se doparava, deso invese ghe xé difarenti lenguaji interpretai che i njien doparai par uxi xenerali, come el Java, chel dopara na via de mexo tra le do manjiere, doparando on conpiladore el produxe el codaxe so on lenguajo intermedio (dito bytecode) chel njien dopo interpretà.

Col ndar dei ani, la difarensa de prestasion tra i lenguaji interpretai e cheli conpilai, la xé sta scursada co tecneghe de conpilasion just-in-time, anca se oncora se costuma doparare cheli conpili (se non addirittura l'assembly) par le aplicasion che le domanda la masima veloçità.