Comunicasion

Insieme de fenomani che i fa in manjera de trasferire informasion


Par comunegasion o comunicasion (dal latin cum = con, e munire = ligare, costruir e dal latino communico = metare in comun, rendar parteçipe) se intende el proçeso e le modalità de traxmision de on informasion da na anima a n'altra (o da on posto a n'altro), traerso el scanbio de mesajo laorà segondo le regole de on determinà codaxe[1].

Comunicasion
Insieme de fenomani che i fa in manjera de trasferire informasion
Na comunicasion senpliçe: Uno comunega e chel'altro riçeve.

DescrisionModìfega

StudioModìfega

La comunicasion la rivarda sia on anbito de tuti i dì, sia n'tel anbito de la publiçità e de le publeghe relasion: in çascun de sti anbiti la comunicasion la ga difarenti fini. I ajenti de la comunicasion i pole esare persone omane, esari viventi o entità artifiçali. L'è chela anima che la "riçeve" el mesajo a darghe on signfegà a sto mesajo,[2] e na olta dita sta roba, se pole dire che la xé la potensialità creadiva de l'esare omano a darghe signifegà a ogni roba, creando el "sistema de comunicasion" co le so dò carateristeghe: l'imajinasion e la creasion de sinboli. L'è comuncue on discorimento continuo capire se la comunicasion signifega l'existensa de cosiensa, o se l'è on proçeso chel pole verifegarse anca tra machine, se de fati el xé chelo che riçeve a darghe on signifegà a chelo che ga riçevuo, ogni roba la pole comunicare.

El conçeto de comunicasion par esarghe, ga da esarghe na interasion intrà anime difarenti, o sia on asion che parché la ghe sia, la ga bixogno de la cooperasion intrà le anime. Ogni proçeso comunicadivo, el se verifega in ambedò le diresion, e, segondo alguni, no se pole parlar de comunicasion se ghe xé solo uno a parteçipar a l'asion e se parlaria de senpliçe traxmision de segni o informasion.

N'tel proçeso comunicadivo che el vede indafarà i esari omani, se catemo davanto a dò poli:

Da na parte la comunicasion come asion de colaborasion, o sia che do o pì comunicasion le comunega fra de lore o na senpliçe traxmision, unidiresional, andove no se ghe pole replicar, o sia na co la televixion, radio o multimedia so internet.

Sojeti n'te la comunicasionModìfega

  • Emitente: Chelo che envia el mesajo.
  • Destinataro: Chelo che riçeve el mesajo.
  • Mesajo: Chelo che njien comunicà da l'emitente.
  • Codaxe: Calsiasi lenguajo dà la posibilitò de far on mesajo. On mesajo l'è fato da on codaxe e na comunicasion la xé posibile solo se emitente e destinataro i conose el codaxe de traxmision e letura.
  • Referensa: El contegnuo del mesajo.
  • Contesto: La situasion andove njien fata la comunicasion.

Disturbi n'te la comunicasionModìfega

La comunicasion la pole esar disturbada da on caxin, o sia calsiasi fator, fixego o psicoloxego, che interonpe e disturba la comunicasion.

Par sistemare el problema del caxin, se ga do posibili vie da seguir:

  • la ripetision, o sia co l'emitente el fa el mesajo pì ciaro, in manjiera ripetidiva e faxendo anca sesti e espresion col muxo.
  • il feedback, o sia co el riçevente el rimanda al mitente el mesajo riçevuo, in manjiera da ver conferma se el ga capio ben.

Caxin, ridondanza e feedback i fa divegnere la comunicasion dinamega.

Tipi de caxinModìfega

Ghe xé pì tipi de caxin che pole disturbar na comunicasion:

  • Esterno, o sia che ghe xé caxin che riva da fora, che no xé colpa del riçevente (el caxin del treno che pasa).
  • Fixioloxego, o sia i fatori bioloxeghi che i interferise co na bona riçesion (come na malatia o problemi anca solo tenporanei a le recie)
  • Psicoloxego, o sia le forse de chi che comunica, che le interferise co l'abilità de esplicar o reçepir on mesajo (preocupasion
  • culturale, o sia co la cultura de l'emitente l'è difarente da chela del riçevente (on mesajo scrito in Veneto a un Inglexe)

Modeli de comunicasion interpersonalModìfega

 
Model de Schulz von Thun: El cuadrato de la comunicasion.

Paul Watzlawick e i so coleghi, n'tel 1960, i ga portà na granda difarensa n'tel studio de la comunicasion omana: Tuti i proçesi comunicadivi intrà esari omani, i ga do dimension difarenti, el contegnuo (chel che le parole dixe) e la relasion (chel che i parlanti i dasa intendare, sia a livel verbal che non, sol tipo de la relasion che ghe xé tra de lori).

N'tel 1981, el psicologo Friedemann Schulz von Thun, de l'Università di Amburgo, el ga proponesto on model de comunicasion interpersonal chel se difarensia in cuatro dimension difarenti, n'tel cusì ciamà cuadrato de la comunicasion.

  • Contegnuo: de cosa se xé drio parlar? (color blu).
  • Relasion: come xé chel definise el raporto co ti? Cosa te falo capir chel pensa de ti? (color xalo).
  • Autorivelasion: Tute le olte che calcun dixe calcosa, sensa volerlo, el dixe calcosa de la so persona.(color verde).
  • Apelo: che efeto voleo otegner chel che parla? O sia chelo chel parlante domanda, in manjiera esplicada o inplicada, a chelo che riçeve de fare, pensare, dire, scoltare..(color roso).

Ste cuatro dimension le se pole tegner prexenti sia co se fa i mesaji e sia co li njien scoltai e n'te l'interpretasion dei mesaji de altri, in sto segondo caxo, la scola de amburgo, la parla de le cuatro recie (che le corisponde al cuadrato de la comunicasion), andove se se pole sintonixar. Par exenpio, par "ciaparmela" o sia ofendarme n'tel scoltar na comunicasion, garò da darghe on signifegà so la recia xala, o sia ghe do on signifegà al mesajo che riçevo baxandome so chelo chel vole (esplicando o inplicando) dirme.


Sto modelo el varda co se sia senpre libari de darghe a calsiasi comunicasion on segnifegà o n'altro, evidensiando in sta manjiera el podere de chi che scolta de contribuire n'te la cualità de on interasion.

Co on fià de alenamento, se sarà posibile sintonixarse anca so la recia verde, al posto de ndar senpre so chela xala, e domandarse, dentro de ni'altri, stando davanti na conversasion che la podaria esar iritante: "Come se sentea la persona che parla? Parché la me ga da parlar in sta manjiera?"


  • Comunicasion verbale, che la njien fata doparando el lenguajo, sia scrivesto che parlà e che dipende da fise regole sintateghe e de gramadega;
  • Comunicasion no verbale, che la njien fata sensa doparar le parole, ma co altri canali, come par exenpio mimeghe del muxo, sesti, xvardi, poxision del corpo;
  • Comunicasion para verbale, che la rivarda al tono, volume e ritmo de la voxe de chi che parla, pause e altre espresion sonore (come el s-ciararse la voxe) e no (come el xogatolare co le man, co calsiasi roba che ghe xé là rente).

Voxe coreƚadeModìfega

Lingambi forestiModìfega

  1. Giuliano Vigini, Glossario di biblioteconomia e scienza dell'informazione, Editrice Bibliografica, Milano 1985, p. 38.
  2. Friedemann Schulz von Thun (1981), Miteinander reden 1 – Störungen und Klärungen. Allgemeine Psychologie der Kommunikation. Rowohlt, Reinbek. ISBN 3-499-17489-8
Controło de autoritàLCCN (ENsh85029027 · GND (DE4031883-7 · BNF (FRcb11938923j (data) · NDL (ENJA00566543
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Comunicasion&oldid=766811"