Conca idrogràfega

El conca idrogràfega (o conca inbrìfara - dal latin imber, piova - o conca de drenajo) el ze l'àrea topogràfega (solitamente identificàbiłe inte na vałe o na pianura) delimitada da un spartiàcue topogràfego (orogràfego o superfisałe) de tolta-drento de łe àcue che łe core inte ła superfise del teren confluenti verso un determenà corpo ìdrego riseptore (fiume, lago o mare interno) che el dà el nome a ła conca istesa (ezénpio: "ła conca idrogràfega del rio de łe Amasoni").

Łe conche idrogràfeghe de l'Eoropa

Definision

Ła conca idrogràfega ła ze na parte de teritòrio che, par colpa de ła so conformasion orogràfega, ła ciapa-drento łe àcue meteòreghe o provegnenti da ła fuzion de jasari o nevari che i core confluendo tute verso un solco d'inplùvio dàndoghe orìzene a un fiume, o verso na conca o depresion dando orìzene a un lago o a na zona pałuoza. Ła conca ziongràfega ła se difarénsia da ła conca idrozeołòzega vedesto che st'ùltema no el consìdara solché el defluir de łe àcue superfisałi, ma anca e decorimento de infiltrasion che łe dipende da ła stratografia e da ła conformasion zeołòzega del sotosuoło.

Se łe àcue tolte-drento łe ze solo chełe gaveste a łe precipitasion se parla de conca inbrìfara montana. Inte na conca idrogràfega vałiva (de vałe) el ze posìbile identìfegare un posto de converzensa de łe àcue, dito "sesion de ciuzura", traerso el cuało ghe pasa tuto el volume de l'acua tolta-sù superfisalmente. L'altitùdene a ła cual se cata ła sesion de ciuzura ła ze ła cuota de refarimento inte łe mezure de altitùdine relative a ła conca.

Grande conche idrogràfeghe

Sudivizion de łe conche idrogràfeghe inte el mondo, drio l'afluensa inte i prinsipałi osèani e mari. Le àree grize łe ze teritori endorèeghi, sensa un definio defluimento superfisałe verso el mare

• Rio de łe Amàsone-Ucayali 7 050 000 km²
• Congo 4 374 000 km²
• Mississippi-Missouri 3 778 000 km²
• Nilo 3 254 555 km²
• Rio de la Plata-Paraná 3 140 000 km²
• Volga 1 360 000 km²
• Orinoco 990 000 km²
• Danubio 817 000 km²
• Huang He 752 000 km²

Altri projeti

Altri progetti

• Wikimedia Commons

• Wikimedia Commons el detien imàjini o altri file so conca idrogràfega
• el detien schemi gràfeghi so

Linganbi foresti

• (EN) drainage basin / drainage pattern / basin systemEnçiclopedia Britannica, Encyclopædia Britannica, Inc.

Controło de autorità	LCCN (EN) sh85145749 · BNF (FR) cb119310252 (data)