Console (videozughi)

Na console (tèrmano franseze, pron. /kɔ̃.sɔl/; pronunsa venetizada /konˈsɔl/^(VEC) - "consòl"), ła ze un pareciadura ełetrònega concepia escluzivamente o primariamente par zugar coi videozughi.

El tèrmano el se referise a łe pareciadure concepie par dòparo privà, che par ła visuałizasion łe połe vegner coneteste a un normałe tełevizore o sanò, inte el cazo de łe console portàtiłi, èsare dotai de un schermo integrà. Na console ła połe integrare anca funsion zonttve, cofà par ezénpio ła reprodusion de CD audio, DVD video e Blu-ray e ła dòpara dei servisi internet.

Inte i primi ani de susistensa de łe console, i modełi zeneralmente i permeteva de zugar solché a un nùmaro limità de videozughi inplementai drento del dispozidivo; oncó łe pareciadure de sto tipo łe gnen definie "console dedicae" e łe gnen oncora produzeste ocazionalmente. Inte ła so inplementasion moderna ła console invese ła ze pì simiłare a un computer, che el fa videozughi soto forma de software memorizà su de un suporto de memorizasion. Ze necesàrio precizar che cuando che el software el ze contegnesto in suporti intercanbiàbiłi, se dòpara el tèrmano "console programàbiłe".

Panoràmega de łe vàrie zenerasion de consołe, includesti i sorapozisionaminti intrà łe zenerasion. Łe vien inlistae łe prinsipałi console par ogni zenerasion.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Console (videozughi)

Linganbi foresti

• console per videogiochisapere.it, De Agostini.
• (EN) Gaming ConsoleThe Visual Novel Database.

Controło de autorità	GND (DE) 4509575-9