Corriere del Polesine

El Corriere del Polesine el xe sta on quotidian stanpà a Rovigo dal 1890 al 1927.

El zera sta fondà dal 1890 da Giovanni Battista Casalini par contrastar el movimento democratego che el zera drio 'ndar verso el sindacałismo e el sociałismo. Ła so difuxion ła se agirava tra łe 4000 e łe 6000 copie. Na nota prefetizia del 4 de agosto 1921 ła atribuiva al quotidian na tiratura de sirca 3000 copie al dì. Dal febraro del 1893 al lujo del 1898 el xe sta direto da Alberto Bergamini, po' passà al Corriere della Sera, futuro fondador inte el 1901 del Giornale d'Italia e entrà inte ła storia del giornalismo itałian par aver inventà ła tersa paxena. El quotidian el sostegneva i intaressi dei agrari łocałi e el zera de frecuente in połemica col setimanałe sociałista La Lotta e col setimanałe catołico diocexan Il Popolo, che sucessivamente el ga canbià el nome in La Settimana.

Inte i ani 20 el quotidian el ga sostegnù el Partio Nasionałe Fasìsta. Dal 1921 el xe sta controłà da Enzo Casalini, neodo de Giovanni Battista.

El ga sarà inte el 1927 par vołontà del stesso Casalini che el ga fondà on novo quotidian: La Voce del Mattino.

Bibliografia canbia

  • a cura de l'Accademia dei Concordi e de l'Istituto Tecnico Femminile "Luigi Einaudi" de Badia Połexine. 5 centesimi di attualità - Il Corriere del Polesine riletto cento anni dopo (El vołume no el porta nisuna data).
  • a cura de l'Accademia dei Concordi. Corriere del Polesine (1890-1927). Un giornale, un'epoca, un territorio Rovigo, novenbre 1997;
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Corriere_del_Polesine&oldid=1043431"