Cortiu
Al cortiu in senso stret al ze an spasio sensa quert ligà a un edificio.
Funsion principal
canbiaLa so funsion principal la ze quela de costituir an colegamento tra al edificio e el contesto (cortiu esterno) e/o tra anbienti diversi de na unica unità produtiva o abitativa.
Chiostro
canbiaTe el caso che al sie conpletamente contornà dal edificio al gnen ciamà chiostro. Al cortiu serà alè tipico dei conventi, de serti palas citadini e de le case dei patrisi in età romana. Ten sto caso al cortiu al pers al trafico de veicoli par ciapar pì che sia an roło de punto de incontro de la zent. de conseguensa al ga an aparensa ligà pì a la estetica che al utile, e serte olte al pol er in mes na fontana e esser inerbà e infioretà come an jardin.
Fabrica
canbiaAl cortiu de na fabrica al ze just al oposto: la so funsion principal la ze quela de gner traversà da mezi de trasporto e al ze dotà quasi senpre de an bel parchejo par le machine. Arent a na cura minusiosa par la so rasionalità in termini de fruision, se donta anca na s-cianta de gusto par la estetica, inportante par la inmagine de la dita.
Casa Rural
canbiaLa casa rural tradisional la ze te el isteso tenpo na abitasion e anca na azienda produtiva, sichè al so cortiu al ga na strututa che la ze na via de mes tra quele citade prim: de solito al ga la casa postada te la part pì insolada e la part rural in linea co la abitasion o da la part oposta. Ten qualche canton se cata anca le stie e al puner. Al pavimento al ze ingiarà o asfaltà e, no senpre, se cata na fontana quadrangolar e longa te un posto in part del cortiu, aonde che no la ghe intriga a quei che i ga da far manovre co i car o co i trator.
Cortiu
canbiaTe el caso che la casa rural la sie a ridoss de un paess, al cortiu al ze serà da un cancel e al costituiss insieme a tuti i edifici dintorn na unica realtà, anca quela ciamada cortiu. La unità produtiva la ze goernada da na unica fameja granda, e co se diss "al cortiu de i...(soracognome)" se intende la unità edilisia, produtiva e familjar.
Altri projeti
canbia
Wikimedia Commons el detien imàjini o altri file so Cortiu
| Controło de autorità | LCCN (EN) sh85033602 · GND (DE) 4137817-9 · BNF (FR) cb122351702 (data) |
|---|