Cosiensa de clase

Co cosienza de clase, połe definirse, in xeneral, el savere de esare drento in na determinada clase sociałe, tramite l'anałixi de ła poxision sociałe ciapada inte ła società. Insieme a cheł'altre anime che apartien a ła clase, l'individuo condivide intaresi, tal'olta, de scontro co chełi de chel'altre clasi che fa parte de ła società capitałistega.

Interpretasion marxista

Par cosiensa de clase se intende ła tolta de cosiensa da parte del prołetariato de ła propria condision de clase sociałe. Xe da notar come l'ideoloxia marxista ła parla de raro de cosiensa de eła da parte de ła borghexia, propio parché ła dà al prołetariato el conpito de gaver da guidar l'umanità e definise falsa cosiensa cheła borghexe parché lexitima false motivasion sociałi.

El prołetario infati se impoverise in modo diretamente proporsionałe al vałore de ła merse che se fa. Dal momento che, segondo ła ideoloxia marxista, soło che da ła tolta de cosienza połe far njier fora ła sołidarietà tra i prołetari e de conseguensa ła rivołusion, se połe dir che ła cosiensa de clase ła xe nesesaria parché vegna fata ła rivołusion prołetaria.

A far saver in jiro ła cosiensa de clase el ga da esar, inte el'ortodosia comunista, el Partio traverso na rete de asociasionismo operaro e contadin e sora de tuto faxendo savere in jiro ła conosensa de łe lexi fate pal sviłupo sociałe, par farle conosare ai prołetari.

Ła lejera cosiensa de clase contenporanea prexente inte ła società de tipo capitałistego statunitense, xe xustificada da ła fisa diferensiasion sociałe, inte ła difuxion de novi strati sociałi intermedi, inte ła uniformałixasion dei consumi e dei modełi culturałi.