Cristoforo Colombo

Cristoforo Colombo (Genoa, intrà el 26 agosto e el 31 otobre 1451 – Vaładołì, 20 de majo 1506), ciamà dai spagnoi Cristóbal Colón, el jera un navegador genoexe al servisio de ła Corona de Spagna, che el 12 de otobre 1492 el ga descoverto ła Amèrica.

Cristoforo Colombo

Storia

In realtà lu invesse el volea nare in tel Catai, che saria la Cina de desso, che Marco Polo du secoli prima el gavea descrito come na tera piena de richesse. Colombo el s'avea parò convinto che la Tera la fusse piassè picenina de quelo che se pensava a l'epoca (e che no xera distante da la misura reale), e che quindi la distansa tra Europa e Asia navegando verso Ovest no la fusse massa granda. Ma lu nol podea saver che in mezo a ghera n'altro continente, la Amèrica apunto!

Elora el 3 de agosto 1492 el ga ciapà suso da Palos in Spagna co le famose Tre Caravelle (la Niña, la Pinta e la Santa Maria) e 120 marinai. Co el xe rivà su l'isoleta de San Salvador a le Bahamas, el pensava de essar a Cipangu (el Giapone de cui gavea contà Marco Polo) e che quindi el Catai el fusse lì arente. A ghè volesto n'altro navegador italian, Amerigo Vespucci, par capir che le tere nove catà da Colombo le jera un continente novo, che da de lora el xe stà ciamà Amèrica.

I viaj de Colombo

Altri viaji

Dopo de sto primo viajo Colombo el ghe n'à fati altri tri, esplorando le coste dei Caraibi e fondando vari avamposti, ma nol xera mia tanto brao come aministrador e governante, e quando a Santo Domingo ghe xe stà dei disordini coi nativi del posto, el xe stà arestà e i ga cavà el titolo de Vicerè de le Indie, che i gavea dato dopo la scoperta. A la fin el xe morto pitoco e squasi desmentegà.

Calcoli

Tanta gente la crede eroneamente che Colombo el sia rivà in Amèrica parché el xera l'unico a ver capio che la Tera la xe tonda. In realtà i studiosi de l'epoca i savea benissimo de la rotondità de la Tera, e i xera contrari al viajo de Colombo parché i gavea calcolà coretamente la distansa Europa-Catai, e i savea che co le navi del tenpo no se podea far un viajo cussita longo. Se su la rotta de Colombo no ghe fusse stà la Amèrica, el navegador e tuti i so marinai i sarìa morti durante el viajo, o ghe sarìa tocà tornar indrio.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Cristoforo Colombo
• el detien schemi gràfeghi so