Cucurbita ficifolia
La suca siameza (Cucurbita ficifolia Bouché) ła ze na pianta de ła fameja de łe Cucurbitacee,[1] coltivada cofà pianta ortiva par i so fruti comestìbiłi sia mauri, boni par far confitura, o imauri, doparai in cuzina cofà i sucati. L'International Society for Horticultural Science ła ìndega col nome comun de suca dai sete ani[2].
  | |
| Tasonomia | |
|---|---|
| Superregno | Eukaryota |
| Rènjo | Plantae |
| Órdene | Cucurbitales |
| Fameja | Cucurbitaceae |
| Tribù | Cucurbiteae |
| Zènare | Cucurbita |
| Spece | Cucurbita ficifolia |
Nomi comuni e foresti
canbiaInteresante ła ze ła orìzane del so nome, sto tipo de suca ła ze stada introduzesta in Fransa dal Siam co i ze stai inportai dei yak par el Muzeo nasionałe de stòria naturałe de Fransa e ste suche łe zera doparae par ła ałimentasion de łe bèstie inte el viajo.
Łe samese de calche fruto restante i ze stai samenai al "Jardin des Plantes" de ła cavedałe franseza, e da cuà ła se ga difondesta in Eoropa. In franseza ła ze ciamada courge de Siam, melon de Malabar, courge ga feuille de figuier, courge ga graines noires.
In ingleza: fig-leaf gourd, Siam squash, black-seeded squash, Malabar Squash.
La suca ła ze inte ła realtà orizenària del Mèsego, andove ła zera za prezente inte ła època precołonbiana: i aztechi i la ciamava "Tzilicayotli". In spagnoło ła ze de fati ciamada chilacayote (storpiadura del tèrmano azteco), alcayota o cidra. In racuanti cazi anca in spagnoło ła ze indegada co el nome de "chayote", che no el ze ortodoso visto che el ze comunemente rifario al sucato spinà.
Notasion
canbia- ↑ (EN) Cucurbita ficifolia BouchéPlants of the World Online, Royal Botanic Gardens, Kew. entrada il 25 gennaio 2021.
- ↑ La suca dei sete ani citada in Chronica Horticulturae dall'International Society for Horticultural Science, Volume 48 - Number 1, marzo 2008, p. 23. ISSN 0578-039X
Altri projeti
canbia
Wikimedia Commons el detien imàjini o altri file so Cucurbita ficifolia
Wikispecies el detien informasion so Cucurbita ficifolia
el detien schemi gràfeghi so
