Wikipedia

David Hasselhoff

Atore statunitense
4 canbiaminti in sta version i xe drio spetar ła verìfega. Ła version stàbiłe ła xe sta controłada el 15 zen 2023.


Biografia

canbia
 
Firma de l'ator inte'l David Hasselhoff Museum di Berlino

Hasselhoff el ze nasesto a Baltimora, nel Maryland, só fioło de Dolores Therese (23 apriłe 1930 - 11 febraro 2009), cazałinga, e Joseph Vincent Hasselhoff (2 majo 1925 - 16 novenbre 2014), un dirizente d'azienda. Ła só fameja ła ze catòłega romana e de orìzene todesca, irlandeze e ingleze. Ła só trisavoła, Meta, ła gaveva emigrà co ła só fameja a Baltimora da Völkersen, in Zarmania, a 30 chiłometri (19 miłia) da Brema, inte'l 1865.

El ga pasà ła só infansia a Jacksonville, in Florida, e drioman el ga vivesto ad Atlanta, in Georgia, indove el ga frecuentà ła scoła marist. Hasselhoff el ga fato el só debuto teatrałe co'l gavea sete ani in Peter Pan, fin da cuando el só sonjo d'infansia el zera cueło de aver na cariera a Broadway. El se ga diplomà a ła Lyons Township High School de La Grange, Illinois, inte'l 1970. El zera un menbro de ła scuadra de descórso, leader de discusion senior, presidente de'l coro, capitan de ła scuadra de bałavoło e el ga recoverto rołi in diversi spetacołi, incluzo un roło prinsipałe come Matt in I Fantasticks. El ga studià a ła Oakland University, prima de łaurearse in teatro inte'l California Institute of the Arts.

Daspò el diploma de scoła suparior a l'LTHS de Chicago, el ga studià a l'Academia de Arti Dramàteghe, cantando in band łocałi inte'l tenpo łibaro. Co'l se ga trasferìo a Los Angeles, el se ga iscrivesto a'l California Institute of Arts, łaorando inte'l fratenpo cofà camarier. El ga ezordìo inte'l 1978 in Scontri stellari oltre la terza dimensione di Luigi Cozzi. El ga po' costruìo ła só fama grasie ai telefilm Supercar (1982-1986) e Baywatch (1989-2000), che ła ze, co sirca un miłiardo de spetadori, ła serie tełeviziva pì vista inte tuto el mondo. Fra i só łongometraji A ghe ze La casa 4 (Witchcraft) de'l 1988 co Linda Blair, e Layover - Torbide ossessioni de'l 2001 a fianco de l'itałiana Yvonne Sciò. El ze aparìo inte'l film Spongebob - Il film, inpersonando sé steso in Baywatch.

El ze anca come cantante, apresà soratuto in Zarmania, dove el ga vendùi racuanti miłion de copie, rivando parfin a tenjir un conserto a Berlino, a ła Porta de Brandeburgo, el 31 desenbre 1989: manco de do mezi da'l zorno de ła cazùa de'l muro (el 9 novenbre de'l 1989), davanti a 500 000 spetadori. El ga ezordìo inte'l 1984 co Night Rocker e ła só cariera muzegałe ła ze ndà vanti a l'insenja de un pop rock dai soni neti e dai aranzamenti desizamente ani otanta co brani cofà Lovin' Feelings de'l 1987 e Looking for Freedom de'l 1989, oltra a Crazy for You de'l 1990, You Are Everything de'l 1993 e Hooked On a Feeling de'l 1997. Inte'l 2000 el ga ezordìo a Broadway inte'l musical Jekyll & Hyde, ndove el intarpretava el protagonista da ła dopia parsonałità. El aparise inte'l video dei LMFAO Sorry for Party Rocking e in cuełi de Selfie dei The Chainsmokers e de I Don't Wanna Go to Bed dei Simple Plan. Inte'l 2021 el ga insidesto Damnit I Love You, cover in ingleze de ła canson todesca Verdammt ich lieb Dich, cavało de bataja de Matthias Reim.

Inte'l córer de'l 2007 A ze stà sparpanjà un video, zirà da só fia, ndove el cantante e atore el aparise in anbiti cazałinghi conpletamente inbriago e ło se vede manjar mal un hamburger da'l pavimento, co ła fia che ła prova a farlo razonar in merito a'l só alcołizmo. El motivo de ła publegasion de tałe video el par propio cueło de spronar Hasselhoff, mediante na umiłiasion pùblega, a zbandonar definitivamente l'alcool. Tutavia, ai inisi de'l meze de otobre de'l 2007, l'artista el vien recovarà par abuzo de alcol e dimeso dapò un pochi de zorni.[1]

 
David Hasselhoff a Cannes nel 2013

Inte'l majo de'l 2009 el vien recovarà par intosegasion acuta da alcol.[2] Senpre inte'l 2009, a otobre, el subise n'altro recovaro a Łondra par el steso motivo. El 26 majo 2010 aviene l'enèzemo recovaro.[3] Inte na intarvista concesa a na emitente statunitense, el ga afermà de aver avùo un flirt con l'atora Pamela Anderson, ma privo de raporti ìntemi. Inte'l novenbre 2015, par promóver l'usida de'l só novo film Hoff the Record.

El aparise inte'l film Palle al balzo - Dodgeball, inparsonando sé steso come ałenador de ła scuadra de dodgeball todesca. Inte na sena de EuroTrip, dove el protagonista el sonja ła só amada, David Hasselhoff aparise inte na nuvołeta cantando Du, brano portà a'l sueceso da Peter Maffay. El brano el ghe dà anca el titoło a l'àlbun che Hasselhoff el ga publegà inte'l 1994. El aparise inte l'edision de Monday Night RAW de'l 12 apriłe 2010 come ospite spesiałe. Na só varsion dizitałe ła aparise inte'l zogo Pain par PlayStation 3 cofà parsonajo zogabiłe. El aparise inte'l video ofisiałe de #Selfie de The Chainsmokers e inte'l videoclip Sorry for Party Rocking dei LMFAO. El aparise inte'l pincionéto Call of Duty: Infinite Warfare come DJ de'l parco dei divertimenti Spaceland e come parsonazo zogabiłe daspò el conpletamento de'l main easter egg. El aparise inte'l film Guardiani della Galassia Vol. 2, in cui el ciapa par pochi segondi łe senbianse de'l pare de'l protagonista, che'l ga senpre amirà el parsonajo da łu intarpretà in Supercar. El aparise a ła fine de'l film Un ragazzo tutto nuovo dove el interpreta se steso.

Vita privada

canbia

L'artista, de confesion łuterana, el ze devorsià do volte, da Catherine Hickland e da Pamela Bach. 'St'ùltema ła ghe ga dà do fie.

Filmografia parsiałe

canbia
 
David Hasselhoff inte'l 2009

Ator

canbia

Sinema

canbia

Tełevizion

canbia

Dopiador

canbia

Discografia

canbia

Àlbun

canbia

Singołi

canbia

Notasion

canbia
  1. ↑ "Drunk Tape Bad for Hasselhoff, but Is It Worse for His Daughter?" ABC, Abcnews.go.com, 4 maggio 2007. entrada il 21 ottobre 2011.
  2. ↑ David Hasselhoff Alcohol Poisoning; Rushed To Hospital, Radar Online. entrada il 28 giugno 2013.
  3. ↑ Drinking binge lands the Hof in hospital (ligo ronpesto dispunìbiłe in Internet Archive; védarse el istòrego, la prima version e ła ùltema). , Tonight, 26 maggio 2010. entrada il 28 giugno 2013.

Linganbi foresti

canbia


Controło de autoritàVIAF (EN) 69728537 · ISNI (EN) 0000 0001 1474 4519 · Europeana agent/base/147586 · LCCN (EN) n95061130 · GND (DE) 11893841X · BNF (FR) cb13923381x (data) · BNE (ES) XX1538265 (data) · NLA (EN) 40089914 · WorldCat Identities (EN) n95-061130
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=David_Hasselhoff&oldid=1174121"