Denver Nuggets

I Denver Nuggets i ze una de łe trenta scuadre che łe zoga inte ła NBA, nasùa inte el 1967 col nome de Denver Larks.

Storia de ła scuadra

I primi ani inte ła ABA no i ze stài mìa fàsiłi, sindo da poco deventài na scuadra, ma dopo el pasajo inte ła NBA inte el 1976 i ga vùo un par de stajon bone grasie a i zogadori Alex English e Ernest “Kiki” Vandeweghe, prima parò de cascar de novo in defigoltà i primi ani Noanta cuando che l'ałenador Doug Moe el ze stà vendùo. El só rinpiaso, Paul Westhead, el gavéa un stiłe de zogo bazà so canestri vełosi e sensa partegołari schemi, e come conseguensa i Nuggets i ciapava pì ponti de cuełi che i senjava. A ze da dir che tuti i ani Noanta i ze stài tribołài par łori anca par via de i problemi de i só paroni: no vendo fato boni investimenti econòmeghi A no ghe jera schei par el marcà, e łora A no podeva mìa rivar zogadori àbiłi a vìnsar calcosa.

Inte el draft del 2003 i Nuggets i ga cronpà el zóvane Carmelo Anthony e, i ani dopo, J.R. Smith, Allen Iverson, Chauncey Billups e Marcus Canby: tuti pian pian i ga portà boni rezultadi, anca se mai un canpionado, ma i ga dato un bon nome a ła scuadra.

Inte’l 2021 vendendo Anthony i ga cronpà el itałian Danilo Gallinari, che pian pian el ze rivà a deventar el capitan de i Nuggets ‘vendo al so fianco i vari Dwight Howard, Andre Iguodala, Ty Lawson, Evan Fournier. Inte sti ùltemi ani i ze drìo afermarse come una de łe mèdio bone scuadre, e st’ano 2021 A ze sciopà ła gran braura de’l sentro Nikola Jokic, destinà co l’juto de i conpanji a deventar, infortuni parmetendo, un òtemo zogador.

Altri progetti

• Wikimedia Commons

• Wikimedia Commons el detien imàjini o altri file so Denver Nuggets