Derito reałe

El derito reałe el ze un derito sojetivo tìpego che el conferise al titołare un podere asołuto e imedià su de na roba. Le caraterìsteghe prinsipałi de sti deriti łe ze łe seventi:

1) Tipisità: I ze ametesti solché i deriti tipàdi dal lejislatore;

2) Imediatesa: el titołare el połe satisfazer el so intarese in magnera direta e no mediada sul ben (defarentemente de cheło che sucede par i deriti de crédito andove che el titołare par satisfazerse el gavarà da avałerse de ła cooparasion del debitor);

3) Asołutesa: el titołare połe far vałer el so derito erga omnes e tuti i con-sociai i ga el gavere da astegnerse dal tegnere calsìase tipo de inzerensa inte l'ezercìsio de sto derito;

4) Derito de sèguito: el titołare el podarà perseguir el derito inte i confronti de calsìase sojeto, ponesto-ché el derito el ze senpre ligà al ben e no al sojeto. par ezénpio se Tìsio el ghe vende a Cajo un ben sul cuało Senprògno el vanta uno derito de uzufruto, st'ùltemo el podarà oponer el so derito a l'acuirente Cajo.

I deriti reałi i se sudivide in deriti reałi de godimento, cofà corispetivo dei denomenadi deriti reałi de godimento su roba de altri (o deriti reałi menori), e deriti reałi de garansia.

El derito reałe de godimento par antonomàzia ła ze ła propietà, cuełi là de garansia i ze el pegno e l'ipoteca. Cuełi ła su roba de altri i ze ła dòpara, l'uzufreuto, l'enfiteuzi, ła superfise, l'abitasion e ła servitù.

NotasionCànbia

Altri projetiCànbia

Linganbi forestiCànbia


Controło de autoritàGND (DE4149996-7 · BNE (ESXX527685 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Derito_reałe&oldid=1086932"