Dichiarasion Universałe de i Diriti de l'Omo

« I òmeni i nasse e i more conpagni nei diriti »

La Dichiarazion Universal dei Diriti de l'Omo la xe un documento aprovà da l'Assenblea Xeneral de le Nazion Unìe, firmà a Parigi el 10 dicenbre 1948. La xe fata de un preanbolo e da 30 articoli che i stabilisse quali xe i diriti individuai, sivili, politici, economici, sociai, culturai de ogni persona. I diriti de l'omo i va quindi sudivisi in do grandi aree: i diriti sivili e politici e i diriti economici, sociai e culturai.

La siora Eleanor Roosevelt, mujer del presidente merican Franklin Delano Roosevelt, co in man el fojo de la Dichiarazion (1948)

La Dichiarazion la se pol dividar in argomenti:

• el preanbolo l'enuncia le cause storiche e sociai che ga portà a la necesità de scrivar sta Dichiarazion;
• i articoli 1-2 i stabilise i concetti basilari de libertà e uguagliansa (che era zà stà sancìi da la Rivoluzion francese);
• i articoli 3-11 i stabilise i diriti individuai;
• i articoli 12-17 i stabilise i diriti de l'individuo verso la comunità (rifasendose a un dibatito filosofico che va da Platone ad Hannah Arendt);
• i articoli 18-21 i sancise le così dite "libertà costitusionai", quali la libertà de pensiero, opinione, fede e cosiensa, parola, asociazion pacifica;
• i articoli 22-27 i sancise i diriti economici, sociai e culturai;
• i conclusivi articoli 28-30 i stabilise le modalità xenerai par doparar sti diriti e i ànbiti in cui sti diriti no i pol vegner doparà.

Altri progeti

Altri progetti

• Wikimedia Commons

• Wikimedia Commons el detien imàjini o altri file so Dichiarasion Universałe de i Diriti de l'Omo

Ligami de fora

• (IT) Dichiarazion Universal dei Diriti de l'Omo (fonte: Alto Comissariato ONU par i Diriti Umani)
• (IT) Rispetar el standard de la Dichiarazion universal dei diriti umani
• (EN) Youth for Human Rights International (YHRI)