Discusion:Ayrton Senna

Refacemento paxena

Gho refato la paxena da novo, spero che ve piasa, gho penzsà che x'era zusto darghe 'na voxe piassè completa a on pilota inportanta come Senna.

modifega

visto la'aviso de meiorar la voxe che on butel gha zontà 'ntea paxena, gho fato un pochin de modifeghe tentando der renderlo piassè veneto, spero che cussita el posa andar meio.. Senò scrivee qua de soto dove de specifego 'ntea voxe ghé da sistemar, parche sei piassé de 10000 carateri e ce se mete un fraco de tenpo a relezsar tuto.. Deso me riuzsia el login, quindi scriveme pur anca 'ntela discusion utente (el mi acount xe ciama Frentzen)--Frentzen 20:02, 4 feb 2008 (UTC)

Te foo na domanda: ma ti, quando te parli in veneto, dòparito dal bon tuti quei pasati remoti? Mi de solito no li doparo gnanca quando parlo in italian... doparo senpre el pasato prosimo. I xe i meridionai quei che dixe "andai a Napoli" anca se i ghè 'ndà l'altro ieri. Noaltri veneti invezse femo el contrario: doparemo senpre el pasato prosimo anca par le robe sucese zsent'ani fa. Per cui no se dixe "'Ntel 1989 la McLaren la evidenzsiò qualche debolezsa" ma "la gà evidenzsià" o in çerte ocaxion se pol dir "la evidenzsiava". N'altra roba: par esar pi vizsini a la pronuncia e a la tradizsion se dovaria scrivar senpre NB, NP come in "canbiar", "tenpo" e mai MB, MP. LV~El me diga, sior 20:57, 4 feb 2008 (UTC)

Concordo co L.V.--Marisol 21:40, 4 feb 2008 (UTC)

ok butei, ora ghe do 'n ociada, anca se par quel poco che purtropo se usa el veneto, mi el pasà remoto ghe l'ho sentio pì de 'na olta.--Frentzen 22:31, 4 feb 2008 (UTC)

ghò dà na modifega al voxe, vedee un po' voantri come la senbra, che ghavee pì l'ocio critico de mi, che sie pì esperti de mi. inoltre mi 'sta voxe la conosso quasi a memoria, quindi x'è piassè deficoltoso par mi trovar i erori.--Frentzen 22:50, 4 feb 2008 (UTC)